नांदगाव नगरपरिषदच्या माझी वसुंधरा मोहिमेस भरघोस प्रतिसाद २७५ गणेशमूर्ती व ४५ किलो निर्माल्य संकलित.

नांदगाव-: वार्ताहर

 माझी वसुंधरा अभियान या राज्य शासनाच्या पर्यावरण रक्षण मोहिमेच्या पार्श्वभूमीवर नांदगाव नगरपालिकेने जो कुत्रिम गणेश विसर्जन तलाव निर्माण केला होता.त्याला नागरिकांनी उदंड प्रतिसाद दिल्याचे दिसून आले.

       जलप्रदूषण रोखण्याच्या हेतूने शासनाने माझी वसुंधरा ही पर्यावरण रक्षण मोहीम हाती घेतली आहे.आणि तसे निर्देश सर्वच शासकीय यंत्रणांना दिले आहेत.त्या अंतर्गत नगरपालिकेने जनतेला जाहीर आवाहन केले होते.व जैन धर्मशाळा,औरंगाबाद रस्ता,बाजार समिती आवार, येवला रस्ता या ठिकाणी गणेश मूर्ती व निर्माल्य संकलन केंद्र उभारले होते.तर छत्रपती शिवाजी महाराज चौक या ठिकाणी कुत्रिम तलाव निर्माण केला होता.

      नगरपरिषदच्या आवाहनाला जनतेने भरघोस प्रतिसाद दिल्याचे दिसून आले.येथे जवळपास २७५ गणेशमूर्ती व ४५ किलो निर्माल्य जमा झाले आहे.सदर उपक्रम यशस्वी करण्यासाठी नगरपरिषदचे मुख्याधिकारी विवेक धांडे,अधिकारी व कर्मचारी यांनी प्रयत्न केले.