मराठा आरक्षण आंदोलनात बलिदान दिलेल्या कुटुंबांना न्याय मिळावा-: आमदार सुहास कांदे

नांदगाव-: वार्ताहर

मराठा आरक्षण व आरक्षण आंदोलनात बळी गेलेल्या कुटुंबांना न्याय मिळावा अशी मागणी आमदार सुहास कांदे यांनी मुख्यमंत्री ना.उद्धव ठाकरे व उपमुख्यमंत्री ना.अजितदादा पवार यांच्याकडे एका निवेदनाद्वारे आज केली.

      आमदार सुहास कांदे यांनी याबाबत मुख्यमंत्री ना.ठाकरे व उपमुख्यमंत्री ना.पवार यांची मंत्रालयात भेट घेतली.व मराठा आरक्षण मिळावे,म्हणून बलिदान दिलेल्या व्यक्तींच्या कुटुंबांना न्याय मिळावा.अशी मागणी त्यांनी केली.यावेळी त्यांनी या पिडीत कुटुंबाची सर्व माहिती संकलित करून सविस्तर निवेदन तयार करून आणले होते.त्यात या पीडित कुटुंबातील एका सद्स्याला नगरपालिका,जिल्हा परिषद किंवा पंचायत समितीमध्ये नोकरी द्यावी.अशी मागणी केली आहे. 

    मराठा आरक्षण साठी झटणारे आबासाहेब पाटील यांच्या सोबत होते.यावेळी आबासाहेब पाटील म्हणाले की,मराठा समाजाचे शंभर पेक्षा जास्त आमदार आहेत,मात्र मराठा आरक्षण साठी कुणीही पुढे येत नाही व आले नाही.मात्र नांदगाव चे आमदार श्री.कांदे यांनी पुढाकार घेतला ही अभिमानाची बाब आहे.