येथे ओशाळली माणुसकी.!

नांदगाव-: संतोष कांदे

पुराच्या तडाख्याने होत्याचे नव्हते केले.छोट्या-मोठ्या व्यापाऱ्यांची रोजीरोटी या पुराच्या पाण्याने हिरावून नेली.दुकानातील महागड्या वस्तू डोळ्यादेखत पाण्यात वाहून जात असताना हतबल झालेल्या या व्यापाऱ्यांचे पाणावलेले डोळे उपस्थित लोकांच्या हृदयात कालवाकालव करत होते.मात्र अशा ही परिस्थितीत ह्या वाहून जाणाऱ्या वस्तू हस्तगत करून त्या घरी नेण्यासाठी काही माणुसकीशून्य जमातीमुळे विदारक चित्र ही या ठिकाणी दिसून आले.

       शहरातून वाहणाऱ्या लेंडी व शाकंबरी नदीला परवा मध्यरात्री जो पूर आला.त्यात फरशी पुलावरील मोबाईलची दुकाने,किराणा मालाची दुकाने,चप्पल बूट दुकाने,मसाला दुकाने,व अजूनही काही छोटी-मोठी दुकाने होती.ती सर्व वाहून गेली.अन त्यात या दुकानात असलेल्या या सर्व महागड्या वस्तू ही वाहून जात होत्या.यावेळी आपद्ग्रस्तांना मदत करणे सोडाच ; पण ज्या-ज्या वस्तू कडेला लागायच्या त्या-त्या वस्तू पळवून नेण्यात अनेकजण व्यस्त होते.म्हणजेच मृत्यूच्या टाळूवरचे लोणी खाण्यात अनेक जणांनी धन्यता मानली.

    मात्र या ठिकाणी माणुसकीचे दुसरे रूप ही उपस्थित होते.की,आक्रोश करणाऱ्यांना धीर देत होते.त्यांना पाणी,व अन्य काही जी मदत लागेल ती देण्यात आपले कर्तव्य पार पाडत होते.