लेंडी व शाकंबरी नदीच्या खोलीकरणसाठी निधी उपलब्ध करून द्यावा. आमदार सुहास कांदे यांची नगरविकासमंत्र्यांकडे मागणी

नांदगाव-: वार्ताहर

   लेंडी व शाकंबरी नदीचे खोलीकरण व संरक्षक भिंत बांधण्याच्या उद्देशाने निधी उपलब्ध करून द्यावा, यासाठी आमदार सुहास कांदे यांनी नगरविकास मंत्री ना.एकनाथ शिंदे यांच्याकडे केली असता ; सकारात्मक प्रतिसाद मिळाला आहे.

      अतिवृष्टीने शहरातील लेंडी व शाकंबरी नदीला जो महापूर आला,त्यामुळे मोठे नुकसान सोसावे लागले.यात अतिक्रमण हा मुद्दा महत्वाचा आहेच मात्र यासह नदीचा उथळपणा ही तितकाच कारणीभूत असल्याचे दिसून आले.आणि असा प्रकार तीन ते चार वेळेस घडला आहे.म्हणून यावर ठोस आणि कायमस्वरूपी मार्ग काढण्याचा प्रयत्न आमदार सुहास कांदे यांनी सुरू केले आहेत.

        नद्यांचे खोलीकरण व नदीच्या बाजूला संरक्षक भिंत बांधणे हा एक यातील सुरक्षित पर्याय असल्याचे समोर आले आहे.मात्र सदर बाब ही अत्यंत खर्चिक असल्याने यासाठी आमदार श्री.कांदे यांनी राज्याचे नगरविकास मंत्री ना.एकनाथ शिंदे यांची भेट घेऊन सर्व परिस्थिती अवगत करत निधी उपलब्ध करून देण्याची मागणी केली,त्यावर मंत्री महोदय यांनी सकारात्मक प्रतिसाद दिल्याचे आमदार कांदे यांनी सांगितले.