शिवसेना व सरकार तुमच्या पाठीशी-: आमदार सुहास कांदे

नांदगाव-: संतोष कांदे

तालुक्यात अतिवृष्टीने जवळपास सर्वच शेती पिकांचे मोठे नुकसान झाले आहे,या नुकसानीची माहिती मिळताच आमदार सुहास कांदे यांनी युद्धपातळीवर पाहणी करून शिवसेना व शासन तुमच्या पाठीशी खंबीरपणे उभे आहेत असा विश्वास देऊन सर्वोत्तपरी मदत करण्याचे आश्वासन दिले.

      काल रोजी त्यांनी न्यायडोंगरी गटातील पिंप्रीहवेली गावाला भेट देऊन नुकसानग्रस्त शेती पिकांची पाहणी केली.यावेळी शेतकऱ्यांनी सांगितले की,शेती पिकांचे नुकसान झालेच ; मात्र नदीलगतच्या शेती वाहून गेल्या आहेत.त्यामुळे सरसकट हेक्टरी ५० हजार रुपये व नदीलगतच्या शेतकऱ्यांना १ लाख रुपये नुकसान भरपाई मिळावी अशी मागणी शेतकऱ्यांनी आमदार कांदे यांच्याकडे केली.

      ज्या शेतकऱ्यांनी पीक विमा भरलेला आहे,त्या शेतकऱ्यांच्या खात्यावर तत्काळ विमा रक्कम जमा करावी.अशी मागणी शेतकरी संघर्ष संघटनचे योगेश वाघ,ग्रामपंचायत सदस्य नवनाथ बोरसे यांच्यासह सरपंच व सदस्यांनी केली आहे.

        यावेळी आमदार श्री.कांदे यांच्यासोबत माजी सभापती विलासराव आहेर,तालुकाध्यक्ष किरण देवरे,प्रमोद भाबड,आदी पदाधिकारी उपस्थित होते.