सब-वे वाहतुकीस मोकळा करण्यासाठी आमरण उपोषण.

नांदगाव-: वार्ताहर

 शहरातील रेल्वेच्या सब-वे मध्ये पाणी साचून तलाव तयार झाल्याने गेल्या २० दिवसांपासून नागरिकांना जीव मुठीत धरून प्रवास करावा लागत आहे,त्यामुळे येथील नागरिकांनी आमरण उपोषण छेडले होते.त्यावर ५ येत्या तारखेला रेल्वे प्रशासनाशी चर्चा करून मार्ग काढण्यात येईल.असे आश्वासन तहसीलदार सिद्धार्थ मोरे यांनी दिल्याने उपोषण स्थगित करण्यात आले.

        रेल्वे मार्गामुळे शहर दोन भागात विभागले गेले आहे.चांडक प्लॉट,इंद्रायनी नगर,यासह अनेक नगरातील नागरिकांना शहरात येण्यासाठी सब-वे हा एकच मार्ग आहे.मात्र येथे पाणी साचून तलाव तयार होतो.त्यामुळे या नागरिकांना रेल्वे मार्ग ओलांडून यावे लागते.त्यामुळे या नागरिकांनी,सामाजिक कार्यकर्त्यांनी आमरण उपोषण छेडले होते.

     यावेळी सदर आश्वासन तहसीलदार सिद्धार्थ मोरे,मुख्याधिकारी विवेक धांडे,पोलीस निरीक्षक अनिल कातकडे यांनी दिले.यावेळी महावीर जाधव,नगरसेवक नितीन जाधव ,संतोश गुप्ता,अँड. सचिन साळवे,अनिल अव्हाड,विलास कोतकर,विजय चोपडा,सागर फोफलिया

,माजी नगरसेवक संतोष गुप्ता,संगीता वाघ,आदी उपस्थित होते.