लोकनेते स्व.गंगाधर आहेर यांचा पुण्यस्मरण कार्यक्रम विविध उपक्रमाद्वारे साजरा

नांदगाव-: वार्ताहर

तालुक्यातील न्यायडोंगरी येथील लोकनेते स्व.(आण्णासाहेब) गंगाधर शिवराम आहेर यांच्या १५ व्या पुण्यस्मरणार्थ मोफत विविध रोग निदान शिबिराचे आयोजन करण्यात आले.

        आज बुधवार रोजी लोकनेते स्व. आण्णासाहेब गंगाधर शिवराम आहेर यांच्या १५ व्या पुण्यस्मरणार्थ सकाळी ८.३० वा  समाधीस्थळी मान्यवरांच्या हस्ते पूजन करण्यात येऊन आण्णासाहेबांच्या  स्मृतींना उजाळा देण्यात आला.त्यानंतर श्री. शनैश्वर सेवाभावी संस्था नांदगाव संचालित स्व. गंगाधर शिवराम आहेर आदिवासी अनुदानित प्राथमिक व माध्यमिक आश्रम शाळेत आण्णासाहेबांच्या प्रतिमेचे पूजन संस्थेचे खजिनदार दर्शन आहेर व उपसरपंच अँड. अमोल आहेर, सुखदा आहेर  यांच्या हस्ते करण्यात आले.

            त्यानंतर डॉ.शरद आहेर यांच्या धन्वंतरी क्लिनिक मध्ये आण्णासाहेबांच्या पुण्यतिथीनिमित्त चाळीसगाव येथील सुप्रसिद्ध तज्ञ डॉक्टरांच्या  उपस्थित विविध रोगनिदान व उपचार शिबिर घेण्यात आले. सदर कार्यक्रमात न्यायडोंगरी  चे ज्येष्ठ पत्रकार  जगन पाटील यांनी आपल्या मनोगतात आण्णासाहेबांच्या कार्याला व स्मृतींना उजाळा दिला.

          ब तालुक्याचे माजी आमदार अँड. अनिल आहेर यांनी आपल्या मनोगतात आण्णासाहेबांनी केलेल्या कार्याचा उल्लेख करून भविष्यात पुन्हा चांगल्या प्रकारे आरोग्य शिबिराचा कार्यक्रम घेणे व सर्वसामान्य नागरिकांना जास्तीत जास्त प्रमाणात लाभ देण्याचे उद्दिष्ट ठेवले. 

          सदर  कार्यक्रमासाठी न्यायडोंगरी व पंचक्रोशीतील नागरिक मोठ्या संख्येने उपस्थित होते. कार्यक्रमाचे सूत्रसंचालन रायते व पाटील 

यांनी केले.