न्यायडोंगरी ला दिवसभरात ६०० ग्रामस्थांचे लसीकरण.!

नांदगाव-:

तालुक्यातील न्यायडोंगरी येथे ग्रामपालिका व प्राथमिक आरोग्य केंद्र यांच्या संयुक्त विद्यमाने मिशन कवच कुंडल या अभियान अंतर्गत कोव्हीड लसीकरण शिबिर आयोजित करण्यात आले होते.त्याला भरघोस प्रतिसाद लाभला.

     ग्रामपालिका कार्यालयात आयोजित या शिबिरात आज सुमारे ६०० पेक्षा अधिक ग्रामस्थांचे लसीकरण करण्यात आले.सकाळी दहा वाजेपासून सुरू झालेले लसीकरण सायंकाळी उशिरापर्यंत सुरू ठेवण्यात आले होते.त्यात आरोग्य कर्मचारी,आशा स्वयंसेविका,अंगणवाडी सेविका,प्राथमिक शिक्षक,ग्रामपंचायत कर्मचारी वर्ग,तसेच ग्रामपंचायतीचे सरपंच ,उपसरपंच सर्व ग्रामपंचायत सदस्य यांनी अथक परिश्रम घेतले.आणि यामुळेच लसीकरणाचा इतका मोठा टप्पा पार करू शकलो.अशी प्रतिक्रिया वैद्यकिय अधिकारी डॉ.साबळे यांनी व्यक्त केली.