आज नाशिक ला लाल दिवा आहे,उद्या नांदगाव ला असू शकतो.!-: खा.संजय राऊत

नांदगाव

आज नाशिक ला लाल दिवा आहे,उद्या नांदगाव ला ही असू शकतो....त्यामुळे नांदगाव चा नाद सोडा असा मैत्रीपूर्ण सल्ला खासदार तथा उत्तर महाराष्ट्र संपर्क प्रमुख संजय राऊत यांनी जिल्ह्याचे पालकमंत्री ना.छगन भुजबळ यांना दिला.

        ते शहरातील गुप्ता लाँन्स येथे शिवसेनेच्या वतीने आयोजित शिवसैनिक व विविध सत्तेवर विराजमान पदाधिकारी मेळाव्यात बोलत होते.यावेळी व्यासपीठावर जिल्हा संपर्क प्रमुख भाऊसाहेब चौधरी,जिल्हा परिषद अध्यक्ष बाळासाहेब क्षीरसागर,माजी जिल्हाप्रमुख सुनील बागुल,जिल्हाप्रमुख विजय करंजकर,जेष्ठ नेते बापूसाहेब कवडे,माजी जिल्हा परिषद उपाध्यक्ष मधुकर हिरे,माजी नगराध्यक्ष गणेश धात्रक,नगराध्यक्ष राजेश कवडे,माजी जिल्हाप्रमुख अल्ताफ बाबा खान,माजी आमदार राजेंद्र देशमुख,रमेश बोरसे,विष्णू निकम,डॉ.संजय सांगळे,राजेंद्र देशमुख,विलास आहेर,अंकुश कातकडे,राजू सांगळे,मयूर बोरसे,सौ.अंजली कांदे,गंगाभाऊ त्रिभुवन,फरहान खान,अमोल नावंदर,शाईनाथ गिडगे,राजाभाऊ आहिरे,महावीर पारख,आदी उपस्थित होते.

      खा.राऊत पुढे म्हणाले की,आज आमदार सुहास च्या घरी जेवण केले.माझा मस्त पाहुणचार केला,तसा एकदा भुजबळ यांचा ही पाहुणचार करा.! आणि भुजबळ यांना उद्देशून ते म्हणाले की,तुम्ही म्हटले की,मी आज शिवसेनेत असतो,तर मुख्यमंत्री झालो असतो...पण मी म्हणतो की,आज तुम्ही जे काही आहात ते फक्त तुम्ही शिवसेनेत होतात याच पुण्याईवर चालू आहे.असा खरपूस समाचार त्यांनी भुजबळ यांचे नाव घेऊन घेतला.

     ना.भुजबळ यांच्याबद्दल जुनी आठवण सांगताना ते म्हणाले की,मी शिवसेनेत येतो,पण नांदगावची जागा पुत्र पंकज साठी द्या,मात्र मी सुहास साठी ठाम राहिलो.ज्या व्यक्तीने पराभूत झाल्यानंतर निरंतर पक्षाचे काम केले.अन राजकीय सोयीसाठी त्याचा बळी देणे योग्य ठरणार नाही.म्हणून याच ठिकाणी मी ही जागा शिवसेनेची व उमेदवार सुहास कांदे हेच राहतील.यावर शिक्कामोर्तब केले होते.अशी आठवण त्यांनी सांगितली.

    यासह त्यांनी भाजपवर ही चांगलेच तोंडसुख घेतले.तत्पूर्वी विलास आहेर,गणेश धात्रक,यांनी मनोगत व्यक्त केले.तर जेष्ठ नेते बापूसाहेब कवडे म्हणाले की,आज शेतकरी अतिवृष्टीने मेटाकुटीस आला आहे.वीज वितरण कंपनीकडून वीज पुरवठा खंडित केला जात आहे.आम्ही म्हणत नाही की,बिल माफ करा.! पण रब्बी हंगाम पर्यंत मुदत द्या.! यावर शेतकऱ्यांनी टाळ्यांचा कडकडाट केला.

    तर आमदार सुहास कांदे यांनी भुजबळ यांनी चांदवड येथील भाजप आमदार राहुल आहेर ला ४० कोटींचा निधी तर सत्ताधारी पक्षाचा आमदार असूनही माझ्या नांदगाव मतदार संघाला अवघा दोन कोटींचा निधी दिला.आणि ही बाब मी राष्ट्रवादी कॉंग्रेसचे अध्यक्ष शरद पवार साहेब,उपमुख्यमंत्री ना.अजित दादा,आणि आमचे मुख्यमंत्री ना.उद्धव साहेब यांना पुराव्यानिशी दाखवून दिली.तेव्हा मला या सर्वांनी तुम्हाला निधी कमी पडू दिला जाणार नाही.असा शब्द दिला.तेव्हा कुठे मी तालुक्यासाठी दोनशे कोटींचा निधी आणू शकलो.

     यावेळी संपूर्ण मतदार संघातून शिवसैनिक,शेतकरी,महिला मोठ्या संख्येने उपस्थित होत्या.