नांदगाव बायपासजवळ म्हैस भरलेला ट्रक पलटी झाल्याने एक म्हैस ठार .! चार जखमी
नांदगाव-: वार्ताहर
तब्बल १८ म्हैस औरंगाबादकडे घेऊन चाललेली ट्रक नांदगाव बायपासच्या वळणावर पलटी झाल्याने एक म्हैस जागेवर ठार झाली तर चार म्हैस गंभीर जखमी झाल्या आहेत.नांदगाव पोलीसात गुन्हा दाखल करण्यात आला आहे.
पोलिसांनी दिलेली माहिती अशी की,धुळे येथून एका ट्रकमध्ये (एम.एच १८,डी.जी.५१४७) सुमारे १८ म्हैस कोंबून अकबर रहेमान (रा. बोरवना मध्यप्रदेश) हा औरंगाबादकडे जात होता.
नांदगाव बायपासला रेल्वे उड्डाणपूल पार करत असताना अचानक हा ट्रक उड्डाणपुलाच्या खाली कोसळला.त्यात एक म्हैस जागेवर दगावली तर चार म्हैस गंभीर जखमी झाल्याने पोलिसांनी पशुवैद्यकीय अधिकाऱ्यांना पाचारण करून या जखमी म्हशींवर उपचार केलेत.एका गाडीत इतक्या मोठ्या संख्येने कोंबून चालवलेल्या ह्या म्हैस कत्तलखान्यात नेल्या जात असाव्यात अशी चर्चा आहे.
गुन्हा दाखल झाला असून,पुढील तपास पोलीस निरीक्षक अनिल कातकडे यांच्या मार्गदर्शनाखाली श्री.मोरे करत आहेत.
Comments
Post a Comment