छत्रपतींच्या पुतळ्याची मुस्लिम तरुणांकडून स्वच्छता.... शहरात कुतूहलाचा विषय...

नांदगाव-संतोष कांदे

त्या काळातील मुस्लिम राज्यकर्ता औरंगजेब ला सळो की पळो करून सोडणाऱ्या छत्रपती शिवाजी महाराज यांनी राज्य कारभार हाकताना त्यांच्या स्वराज्यात वास्तव्य करून असणाऱ्या मुस्लिम बांधवाना ही तितकेच प्रेम दिले.आणि त्यांच्या या कार्याची दखल म्हणून नांदगाव शहरातील मुस्लिम तरुण राजेंच्या नगरपालिका आवारात असलेल्या पुतळ्या भोवतालची रोज स्वच्छता करत असल्याने हा विषय चर्चेचा ठरला आहे.

      केवळ मुस्लिम समाजाचा आहे म्हणून छत्रपती शिवाजी महाराजांनी त्यांच्या स्वराज्यात असणाऱ्या मुस्लिम समाजाला द्वेषबुद्धी ठेवून कधीही त्रास दिला नाही,याउलट त्यांच्या सैन्यात अनेक मुस्लिम तरुणांना काम करण्याची संधी दिली.आणि त्यांना सन्मानपूर्वक वागणूक दिली.छत्रपतींनी जेव्हा कल्याण प्रांताची लूट केली,तेव्हा कल्याण प्रांताच्या सुभेदाराच्या पत्नीला आई चा दर्जा देत आपले वेगळेपण त्याकाळी सिद्ध केले होते.आणि म्हणूनच अनेक मुस्लिम सरदारांनी स्वराज्यासाठी आपले प्राण पणास लावले.

      या गोष्टीचा विसर आजही मुस्लिम समाजाला झालेला नाही,म्हणूनच शहरातील मुस्लिम तरुण राजेंच्या या पुतळ्याभोवतालची स्वच्छता करतात.आणि त्यांच्या या महान कार्यासमोर नतमस्तक होतात.