सब-वे चा प्रश्न सोडवून नांदगावकरांना न्याय देणारच.!- आमदार सुहास कांदे

नांदगाव-: वार्ताहर

  सब-वे च्या प्रश्नांवर मंगळवारची बैठक फिस्कटल्यांतर आज आमदार सुहास कांदे यांनी पुढाकार घेऊन मध्य रेल्वेचे वरिष्ठ अधिकारी,खासदार तथा केंद्रीय राज्यमंत्री ना.डॉ.भारती पवार व यांच्यासह तालुकास्तरीय अधिकाऱ्यांची ऑनलाइन बैठक घेऊन सब-वे चा प्रश्न युद्धपातळीवर सोडवण्याबाबत आग्रही भूमिका मांडली.

      या बाबत अधिक असे की,आज नांदगाव नगरपालिका कार्यालयात ऑनलाईन बैठक घेण्यात आली.या बैठकीत आमदार सुहास कांदे यांनी रेल्वे अधिकाऱ्यांना चांगलेच फैलावर घेतले.अनेक दिवसांपासून सब-वे मध्ये पाणी साचले असल्यामुळे शहराचे दोन भाग झाले आहे.पादचारी, विद्यार्थी,आजारी रुग्ण आणि येथून ये-जा करणाऱ्या नागरिकांचे प्रचंड हाल होत आहेत.याकडे लक्ष वेधत रेल्वेच्या अधिकाऱ्यांना चांगल्याच कानपिचक्या दिल्या.

    रेल्वे अधिकाऱ्यांच्या खोटेपणामुळे आज शहराचे दोन भागात विभाजन झाले आहे.सब-वे चे काम अतिशय घाईघाईत निकृष्ट दर्जाचे करण्यात आले असल्याचा आरोप करत श्री.कांदे यांनी रेल्वे अधिकाऱ्यांना चांगलेच फैलावर घेतले.यावर खासदार तथा केंद्रीय राज्यमंत्री ना.डॉ.पवार यांनीही आमदार श्री.कांदे यांच्या विधानाचा पुनरुच्चार करत रेल्वे अधिकाऱ्यांना सदर समस्या सोडवण्याचे आदेश दिले.

       यावेळी बैठकीत रेल्वे अधिकारी जीएम सेंट्रल रेल्वे, भुसावळ विभाग चे डीआरएम, केंद्रीय राज्य

 भारती पवार, आमदार सुहास कांदे, डीव्हिजनल इंजिनियर आर.सी वाडेकर, सिनियर इंजिनियर रमेश कुमार मिणा, तहसीलदार सिध्दार्थ मोरे, मुख्याधिकारी विवेक धांडे,  नगराध्यक्ष राजेश कवडे, नांदगावचे पोलीस निरीक्षक अनिल कातकडे, शिवसेना तालुकाप्रमुख किरण देवरे, युवासेना प्रमुख सागर हिरे यांनी सहभाग घेतला