दिड वर्षानंतर अखेर शाळेची घंटा वाजली... पण आम्ही नाही ऐकली..!

नांदगाव-: वार्ताहर :

 आज सुमारे दिड वर्षाच्या कालावधीनंतर शाळेची घंटा वाजली खरी...परंतु ती   इंद्रायणी नगर (चांडक प्लॉट) मधील विद्यार्थ्यांसाठी नव्हती... कारण येथील रहिवाशांचा रस्ताच पुराच्या पाण्यात हरवला असल्याने, शाळा शहराच्या मुख्य भागात असल्याने रस्ता  नसल्यामुळे विद्यार्थ्यांना पुन्हा माघारी फिरावे लागले.

       

आज शाळा उघडणार असल्याने ऑनलाईन शिक्षणाला कंटाळलेले विद्यार्थी मोठ्या उत्साहाने शाळेत जाण्यासाठी निघाले परंतु लेंडी नदीच्या पुरात रस्ताच वाहून गेल्याने माघारी फिरावे लागल्याने विद्यार्थ्यांच्या आनंदावर विरजण पडले. विद्यार्थी पुलाजवळ येताच त्याठिकाणी असलेल्या जीवनरक्षक आनंदा खंबायात व देवचंद कोते यांनी पालकांशी चर्चा करून विद्यार्थांना पाण्याच्या प्रवाहातून सुखरूप पलीकडे पोहोचवतो असे सांगितले असता पालकांनी सुरक्षित रस्ता नसल्याने मुलांना घरी नेणे पसंत केले. यामुळे विद्यार्थ्यांचा हिरमोड झाला. यावेळी पालकांनी स्थानिक प्रशासनाने इंद्रायणी नगर (चांडक प्लॉट) येथील विद्यार्थ्यांच्या भवितव्याचा विचार करून तातडीने रस्ता तयार करून द्यावा ज्यामुळे आमच्या मुलांना शाळेत जाणे शक्य होईल.