आमदार सुहास कांदे यांच्या मित्राच्या दुकानात चोरी.!
- Get link
- X
- Other Apps
नांदगाव -: वार्ताहर
शहरातील प्रसिद्ध किराणा व्यावसायिक तथा आमदार सुहास कांदे यांचे निकटवर्तीय अमोल नावंदर यांच्या चांदवड-जळगाव या राष्ट्रीय महामार्गावरील किराणा दुकानाचे शटर वाकवून सुमारे ६४ हजार रुपयांची चोरी झाल्याची घटना काल रात्री घडली.आणि याचवेळी या परिसरातील तीन दुचाकी ही चोरी झाल्याचे वृत्त आहे.
या बाबत अधिक असे की,श्री.नावंदर यांच्या राष्ट्रीय महामार्ग क्रमांक-७५३ च्या कडेला व नांदगाव बसस्थानक शेजारी आलेल्या होलसेल किराणा दुकानाचे शटर वाकवून अज्ञात चोरट्यानी दुकानातील २० किलो काजू-(किंमत-१७०००/-),बदाम-२५ किलो-२२ हजार,गावरान तूप-२० लिटर-१० हजार,आणि सुमारे १५ हजार रुपयांची नाणी चोरून नेली आहेत.
तसेच मिळालेल्या माहितीनुसार,याच परिसरातील तीन दुचाकी ही चोरट्यानी लंपास केल्या आहेत.या घटनेने तालुका व शहरात खळबळ उडाली आहे.आमदार श्री. कांदे यांचे निकटवर्तीय असलेले अमोल यांच्या दुकानात चोरी झाल्याने पोलिसांची कसोटी पणास लागली असून,पोलीस या चोरीचा तपास केव्हा लावतात याकडे तालुक्याचे लक्ष लागले आहे.
- Get link
- X
- Other Apps
Comments
Post a Comment