आमदार कांदे यांच्या संवेदनशीलतेचा मनमाडकरांना प्रत्यय.!

नांदगाव-: वार्ताहर

नोकरी,व्यवसाय निमित्त ,मनमाड सोडून दूरवर असलेल्या एखाद्या व्यक्तीच्या नातलगाचे शहरात निधन झाल्यास अंत्यविधी उरकून घ्यावा लागतो,किंवा अन्य पारंपरिक साधनांनी मृत्यूदेह सांभाळावा लागत असे,ही अडचण लक्षात घेऊन आमदार सुहास कांदे यांनी मनमाड उपजिल्हा रुग्णालयास 'शितशव' पेटी उपलब्ध करून देत सामाजिक उत्तरदायित्व निभावले.

       मनमाड शहरात अनेक वेळा निधन झालेल्या व्यक्तींचे आप्तेष्ट दूर असल्यास अंत्यविधी उशिरा करावा लागतो. अशा वेळेस निधन झालेल्या व्यक्तींचे शव सुस्थितीत ठेवण्यासाठी शीतशव पेटीची नितांत गरज होती. त्याची मागणी अनेक दिवसापासून होत होती.त्याची गरज व गांभीर्य लक्षात घेऊन आमदार सुहासआण्णा कांदे यांनी मनमाड शहरासाठी शीतशव पेटी उपलब्ध करून दिली. 

      त्याचे लोकार्पण ग्रामीण उपजिल्हा रुग्णालयाचे व्यवस्थापक डॉ.नरवणे यांच्या हस्ते व उपजिल्हाप्रमुख संतोष बळीद, शहरप्रमुख मयूर बोरसे,प्रमोद भाबड, मुन्ना दरगुडे, दिनेश केकान, शिवसेना वैद्यकीय मदत कक्ष कक्षाचे पिंटू वाघ,रुग्णकल्याण समितीचे दिनेश घुगे, महेंद्र गरुड, विशाल सुरवसे, सचिन दरगुडे, दीपक दरगुडे, मच्छिंद्र सांगळे, कृष्णा जगताप, नंदू पीठे इत्यादी शिवसैनिक उपस्थित होते.