तर घरातून हाकलून द्या.! आ.सुहास कांदे

नांदगाव-: वार्ताहर

  माझ्या नांदगाव मतदार संघातील प्रत्येक व्यक्तीचे,प्रत्येक समाजाचे मी काही ना काही देणे लागतो.याची मला जाणीव आहे,आपल्या अपेक्षा पूर्ण करण्याचा कसोशीने प्रयत्न करेन.! अशी ग्वाही देतो.असे प्रतिपादन आमदार सुहास कांदे यांनी अहिंसा चौकाचे नामकरण प्रसंगी केले.

    एक महिन्यांपूर्वी जैन साध्वी सुप्रकाशमती यांनी आमदार श्री.कांदे यांच्याकडे इच्छा व्यक्त केली होती.आणि एका महिन्यातच चांदवड-जळगाव या राष्ट्रीय महामार्गावरील मनमाड त्रिफुली जवळ सदर चबुतरा उभारून त्याचे अहिंसा चौक असे नामकरण करण्यात आले.यावेळी आयोजित कार्यक्रमात ते बोलत होते.

    ते पुढे म्हणाले की,दिवसातल्या प्रत्येक क्षणी माझ्या मनात या शहराचा,तालुक्याचा विकास कसा करता येईल,याचाच विचार सुरू असतो,कारण आपण मला एका बलाढ्य उमेदवाराच्या विरोधात विजयी केले आहे.आणि जाणीव सतत माझ्या मनात जागृत राहील.आपल्या मनात शहर विकासाच्या काही संकल्पना असतील तर त्या निःसंकोचपणे सांगा.! तसेच काम करत असताना काही चुका झाल्या तर मोठ्या मनाने माफ ही करा.! असे भावनिक आवाहन ही त्यांनी केले.

     कार्यक्रमाच्या सुरुवातीस आमदार सुहास कांदे व त्यांच्या सुविद्य पत्नी सौ.अंजली कांदे यांनी जैन मंदिरात गेले.व तेथून जैन साध्वी सुप्रकाशमती यांना पायी चालत कार्यक्रमस्थळी घेऊन आले.यावेळी जैन समाजाच्या सर्व पुरुषांनी सफेद कपडे आणि महिलांनी आकर्षक साड्या असा पेहराव केलेला होता.तसेच सर्व पुरुष आणि महिला व बाल गोपाळ यांनी फेटे परिधान केले होते.त्यामुळे वेगळीच वातावरण निर्मिती झाली होती.

        ढोल ताशा लेझीम पथक च्या गजरात वाजत गाजत अहिंसा चौकापर्यंत सर्वजण चालत गेले.  रस्त्याने दोन्ही बाजूला सुंदर रांगोळी काढण्यात आली होती.

        यावेळी महावीर पारख,जेष्ठ विधितज्ञ अँड.जयकुमार कासलीवाल,आनंद कासलीवाल,युवा उद्योजक निलेश लोढा, पारस लोहाडे, खंडेलवाल दिगंबर जैन संघाचे अध्यक्ष सुनील कासलीवाल,यांनी मनोगतातून आमदार कांदे यांचा शब्दसुमनानी गौरव केले.तर जेष्ठ नेते  बापूसाहेब कवडे म्हणाले की,आमदार सुहास आण्णा कांदे यांनी आपल्या कार्याने व्यापाऱ्यांची मने जिंकली आहेत.

       यावेळी उज्वला खाडे,नगराध्यक्ष राजेश कवडे,माजी सभापती विलास आहेर,श्रीकांत परदेशी,धनंजय कांदे,आनंद चांडक,मनीष परदेशी,राकेश ललवानी,आनंद कासलीवाल,सुशील कासलीवाल,उपस्थित होते.

कार्यक्रमाचे सूत्रसंचालन जितू बोरा यांनी केले.