नांदगाव बाजार समितीवर पुन्हा एकदा भगवा.?

नांदगाव-: संतोष कांदे

येऊ घातलेल्या नांदगाव कृषी उत्पन्न बाजार समिती निवडणुकीत गत निवडणुकीच्या तुलनेत वाढ होण्याऐवजी १३२ मतदारांची घट झाली आहे.

     सन २०१५ मध्ये झालेल्या बाजार समितीच्या निवडणुकीत १५८४ मतदारांनी मतदानाचा हक्क बजावला होता.त्यात ४९ विविध कार्यकारी संस्था-५९१ मतदार,६१ ग्रामपंचायती-५०२,व्यापारी गट-४२६,हमाल-मापारी-६५, असे मतदार होते,तर यंदा विविध कार्यकारी संस्था-५०१,६१ ग्रामपंचायती-५२२,व्यापारी-३१२,हमाल-मापारी-११७ असे १४५२ मतदार आहेत.

      या निवडणुकीत सोसायटी गटातून ११ उमेदवार असतात त्यात सर्वसाधारण ७,महिला राखीव २,इतर मागास वर्ग १,विमुक्त जाती,भटक्या जमाती १ अशी रचना असते.तर ग्रामपंचायत गटात एकूण ४ जागांपैकी सर्वसाधारण २ ,जाती/जमाती १ ,आर्थिक दुर्बल १ तसेच व्यापारी गटासाठी २ तर हमाल-मापारी यांच्या प्रतिनिधी साठी ही १ जागा अशा १८ जागांसाठी ही निवडणूक होणार आहे.

      २०१५ पासून या बाजार समितीवर विद्यमान आमदार सुहास कांदे यांच्या मार्गदर्शनाखाली शिवसेनेची सत्ता आहे,तर सभापतीपदी तेज कवडे विराजमान आहेत.सभापती कवडे यांनी आमदार श्री.कांदे व जेष्ठ नेते बापूसाहेब यांच्या मार्गदर्शनाखाली बाजार समितीचा चांगलाच कायापालट केला आहे.न्यायडोंगरी,बोलठाण येथे उपबाजार समित्या निर्माण करून मुख्य बाजार समितीच्या उत्पन्नात भर टाकली आहे.तसेच नांदगाव बाजार समितीचे कामकाज ऑनलाइन पद्धतीने चालवून राज्यभरात ही बाजार समितीने नावलौकिक कमावला आहे.

     ह्या निवडणुकीत घटलेला मतदारांचा टक्का कुणाच्या पथ्यावर पडतो .? असा प्रश्न सध्या चर्चेत आहे.