भाजपच्या संजय सानप यांच्या विरोधात मंत्री डॉ.भारती पवार यांच्याकडे तक्रार

नांदगाव-: वार्ताहर

येथील भारतीय जनता पक्षाचे नेते तथा ओबीसी मोर्चाचे जिल्हा अध्यक्ष संजय सानप यांनी गरीब लोकांकडून पैसे घेतले.त्यांना एका स्कीम द्वारे फ्लॅट देण्याचे आमिष दाखवून झुलवत ठेवले आहे.तरी आपण न्याय मिळवून द्यावा.अशी मागणी या फ्लॅट च्या प्रतीक्षेत असलेल्या नागरिकांनी केंद्रीय कुटुंब कल्याण आरोग्य राज्यमंत्री ना.डॉ.भारती पवार यांच्याकडे एका निवेदनाद्वारे केल्याने मोठी खळबळ उडाली आहे.

    या निवेदनात असे म्हटले आहे की,

   भाजपचे प्रमुख पदाधिकारी असलेल्या संजय सानप यांनी २०११ मध्ये एक स्कीम राबवली होती.त्यात मोकळ्या जागेवर फ्लॅट बांधण्यासाठी काही रक्कम  गुंतवून ३०० चौरस फूट बांधकाम असलेल्या फ्लॅट चा ताबा मिळणार होता.सुरुवातीस काही लोकांना लाभ देण्यात आल्यानंतर इतर लोकांचा विश्वास बसला.आणि त्यानंतर मोठी गुंतवणूक झाली.मात्र आज दहा वर्षे उलटून गेली तरी एकही फ्लॅट धारकास ताबा मिळालेला नाही.

     सदर भाजप नेते श्री.सानप हे भूलथापा देऊन वेळ मारून नेत आहेत.आणि या स्कीम मध्ये पैसे गुंतवलेले सर्व लाभधारक हे रोज मजुरी करून गुजराण करणारे असल्याने आपण न्याय मिळवून द्यावा.असे या निवेदनात म्हटले आहे.या निवेदनावर सतीश बिडवे,पंकज बनबेरू,भाऊसाहेब गोविंद,संतोष जैन,सौ.मंगल कासलीवाल,यांच्यासह २६ फ्लॅट धारकांच्या नावे व सह्या आहेत.