आ.कांदे यांची जिल्ह्यातील बाहुबली नेते पदाकडे वाटचाल.!

विशेष राजकीय वृत्त

नांदगाव-: संतोष कांदे

जिल्ह्यातच नव्हे तर राज्यातील हेवीवेट नेते अशी ओळख असलेल्या मंत्री ना.छगन भुजबळ यांना नियोजन विभागाच्या असमान निधी वाटप वरून नांदगावचे आमदार सुहास कांदे यांनी अंगावर घेतले,ते बघता जिल्ह्यातील नवीन बाहुबली म्हणून आ.कांदे यांच्याकडे बघितले जात आहे.

      अतिवृष्टीच्या दौऱ्यात पालकमंत्री ना.भुजबळ यांनी तालुक्याचे आमदार तथा महाविकास आघाडीतील आमदार असूनही सुहास कांदे यांना मुद्दाम दुर्लक्षित करून भाजप नेते तथा माजी आमदार संजय पवार यांना आपल्या गाडीत स्थान देऊन दौरा पूर्ण केला.तेथे संघर्षाची प्रथम ठिणगी पडली.

     तहसील कार्यालयात झालेल्या आढावा बैठकीत पालकमंत्री ना.भुजबळ यांनी समता परिषद च्या अगदी छोट्या-छोट्या कार्यकर्त्यांना महत्व दिले,मात्र तालुक्याचे  आमदार असूनही श्री.कांदे यांनी या बैठकीत केलेल्या सुचनानां भर बैठकीत केराची टोपली दाखवली.आणि ही गोष्ट अधिकारी,सर्वसामान्य जनता,राष्ट्रवादी काँग्रेस,शिवसेना पक्षाचे पदाधिकारी,कार्यकर्ते,आणि पत्रकारांसमक्ष घडली.त्यामुळे दुसरी ठिणगी पाडली.

     साहजिकच तालुक्यातील शेतकरी व जनतेसाठी न्याय मागत असूनही पालकमंत्री केवळ मुलाचा (माजी आमदार पंकज भुजबळ) पराभव केल्याचे शल्य डोक्यात ठेवून अशी वागणूक देत असतील तर या विरोधात बंड करायला हवे,अशी आमदार कांदे यांची मानसिक तयारी झाली.अन पुढील रामायण घडले.अन पालकमंत्री ना.भुजबळ यांना आढावा बैठकीतून काढता पाय घ्यावा लागला.

     त्यानंतर जिल्हा नियोजन समितीच्या दोन बैठका झाल्या,मात्र या बैठकात ना.भुजबळ यांना त्यांनी नांदगाव दौऱ्यात केलेल्या चुकांची जाणीव झाल्याने ते काहीसे मवाळ भूमिकेत आले,व आमदार कांदे यांच्या मतदार संघावर निधी बाबत अन्याय होणार नाही असे ते वारंवार सांगत राहिले,व उपमुख्यमंत्री ना.अजित पवार यांनीही हीच भूमिका घेतली.मात्र या सर्वांवर शिवसेना नेते खासदार संजय राऊत यांनी कडी केली.

     खा.राऊत यांनी भुजबळ यांना उद्देशून आता नांदगावचा नाद सोडा असे ठणकावून सांगितले.तर ना.भुजबळ यांनी  ही नांदगाव मधील विकासकामे बघा आणि असे सांगून कसा सोडेल.? असा प्रतिप्रश्न केला होता.त्यामुळे भविष्यात कांदे-भुजबळ संघर्ष अटळ असल्याचा संकेत मिळाला आहे.

    आता येऊ घातलेल्या जिल्हा परिषद,पंचायत समित्या,नगरपालिका,बाजार समित्या निवडणुकीत वरिष्ठ पातळीवरून आघाडी करण्याचे आदेश मिळाले तर काय असा यक्षप्रश्न उभा राहणार आहे.कारण तालुक्यातील भुजबळांची राष्ट्रवादी,माजी आमदार अँड.अनिल आहेर यांची काँग्रेस आणि आमदार सुहास कांदे यांची शिवसेना असा तिढा सुटता सुटणार नाही.! हे निर्विवाद सत्य आहे.

    ज्या-ज्या राजकीय नेत्यांनी काही अपेक्षा ठेवून पक्ष बदल केला,त्यांची राजकीय सोय लावणे त्या-त्या नेत्यांना क्रमप्राप्त असल्याने आघाडी झाली याच नेत्यांसमोर मोठा पेचप्रसंग उभा राहणार आहे.