उद्यापासून नांदगावात शूटिंग बॉल स्पर्धा.!

नांदगाव-: वार्ताहर

शूटिंग बॉल फेडरेशन ऑफ इंडियाच्या मान्यतेने ज्युनियर (१९ वर्षाखालील) गटाची ४० वी.राष्ट्रीय शूटिंग बॉल स्पर्धा-२०२१ नांदगावमध्ये १२ ते १४ नोव्हेंबर रोजी संपन्न होत असल्याची माहिती स्पर्धेचे आयोजक छत्रपती क्रीडा आयोजक विष्णू निकम यांनी दिली.

      संत सावता महाराज मंदिरालगतच्या कै. रवींद्र पारखे क्रीडानगरी मध्ये सदर स्पर्धा होत असून,या स्पर्धेचे उदघाटन आमदार सुहास कांदे यांचे हस्ते १२ नोव्हेंबर रोजी दुपारी चार वाजता होणार आहे.या स्पर्धेसाठी आमदार श्री.कांदे यांनी १२ लाख रुपयांचा निधी उपलब्ध करून दिला आहे.

     अॅमॅच्युअर शूटिंगबाँल असोशियन महाराष्ट्र व युवा फाउंडेशन नांदगांव यांच्या संयुक्तपणे या स्पर्धेचे नियोजन करण्यात आले आहे.या स्पर्धेत १९ वर्षा खालील मुले मुली यांचा सहभाग असणार आहे.सुमारे २५ राज्यातील ५० संघांचे ६०० खेळाडु ,१०० प्रशिक्षक,२० पंच,१० गुण लेखक,१० लाईन मन यांची व्यवस्था करण्यात आली आहे.

    यात मुले मुली यांच्या प्रथम संघाला प्रत्येकी ११ हजाराची दोन बक्षीस (प्रथम क्रमांक), ७ हजार रुपयाची दोन बक्षीस(द्वितीय),५ हजाराचे दोन बक्षीस(तृतीय), शिवाय १००० ट्राँफी अशी व्यवस्था करण्यात आली आहे.

       यावेळी होणाऱ्या कार्यक्रमाचे   अध्यक्षस्थान रवींद्र

 तोमर भूषवणार आहेत.तर क्रीडा स्पर्धेचा समारोप १४ नोव्हेंबर रोजी सायंकाळी ६ वाजता होणार आहे.यावेळी विष्णू निकम,प्रमोद भाबड,सुधीर देशमुख उपस्थित होते.