दिवाळी सणाचा गोडवा बससेवा सुरू झाल्याने वाढणार.! आमदार कांदे यांच्या प्रयत्नांना यश ....

नांदगाव-:

दिवाळीचा सण सुरू झाला आहे,येत्या शनिवारी भाऊबीज असल्याने भावाला ओवळण्यासाठी येणाऱ्या बैहिणीची राज्य परिवहन मंडळाच्या कर्मचारी संपामुळे मोठी अडचण होणार हे लक्षात घेऊन आमदार सुहास कांदे यांच्या सूचनेवरून शिवसेना पदाधिकाऱ्यांनी आजपासून बससेवा सुरू करण्यात मोठी भूमिका बजावली.त्यामुळे ह्या सणाचा गोडवा वाढण्यास मदत झाली आहे.

     ऐन दिवाळीच्या पार्श्वभूमीवर महामंडळाच्या कर्मचाऱ्यांनी संप पुकारला होता.आणि त्यामुळे सर्वसामान्य जनतेला मोठा त्रास सहन करावा लागत होता.तसेच वर्षभरातील महत्वाचा सण असलेल्या दिवाळीत संप सुरू झाल्याने भाऊबीज च्या दिवशी तालुक्यात किती गहजब होईल,किंवा भगिनी वर्गाची किती कुचंबणा होईल,असा विचार करून आमदार सुहास कांदे यांनी तालुका प्रमुख किरण देवरे,युवा सेना प्रमुख सागर हिरे,गुलाब भाबड,शशी सोनवणे,यांना हा संप दोन दिवस स्थगित करण्याबाबत सदर बस कर्मचाऱ्यांशी चर्चा करण्यास सांगितले.

     वरील पदाधिकाऱ्यांनी सदर संपकरी कर्मचाऱ्यांना प्रथम विनंती केली,व विनंती मान्य न केल्यास शिवसेना स्टाईल ने उत्तर दिले जाईल.असे सुनावल्याने या कर्मचाऱ्यांनी बस सेवा सुरू करण्यास होकार दर्शवला,व त्यानंतर लगेचच नांदगाव-मालेगाव,नांदगाव औरंगाबाद,नांदगाव सावरगाव अशी  बससेवा सुरू करण्यात आली.आणि इतर गाव,शहराची बससेवा सुरू करणार आल्याचे बस व्यवस्थापक श्री.गावित यांनी सांगितले.आणि यावेळी पोलीस निरीक्षक अनिल कातकडे यांनीही महत्वपूर्ण भूमिका निभावली.

      यावेळी शिवसेना तालुकाप्रमुख किरण देवरे गुलाब भाबड,शिवसेना शहर प्रमुख सुनील जाधव, युवा तालुकाप्रमुख सागर हिरे, युवा शहर प्रमुख मुजम्मिल शेख, आरपीआय चे कपिल तेलुरे, शशी सोनवणे, बापू सोनवणे, नितीन सोनवणे, आरिफ शेख, सद्दाम शेख, गणेश इप्पर, पंकज चेहरे, परवेज पठाण, भरत पारख उपस्थित होते