रिपाईच्या शहराध्यक्षपदी महावीर जाधव हेच असतील- जेष्ठ रिपाई नेते काकळीज यांची स्पष्टोक्ती.
नांदगाव
येथील रिपब्लिकन पक्षाच्या शहराध्यक्षपदी महावीर जाधव हेच असतील,असा खुलासा जेष्ठ नेते शंकरराव काकळीज यांनी पत्रकार परिषदेत केला.अन शहराध्यक्ष पदावरून सुरू झालेला वाद अखेर संपुष्टात आला आहे.
काही दिवसांपूर्वी नाग्यासाक्या येथे झालेल्या बैठकीत रिपाई च्या प्रभारी शहराध्यक्ष पदी जिल्हा सचिव कपिल तेलुरे यांची नियुक्ती करण्यात आल्याचे जाहीर करण्यात आले होते.यामुळे रिपाई मध्ये आगामी निवडणुकांच्या पार्श्वभूमीवर विसंवाद दिसून आला होता.
याची गंभीर दखल घेऊन जिल्हाध्यक्ष प्रकाश लोंढे यांनी घेतली.जेष्ठ नेते शंकरराव काकळीज यांना नांदगाव ला पाठवून आज तातडीने बैठक घ्यावयास लावली.यावेळी बोलताना श्री.काकळीज यांनी काही दिवसांपूर्वी घेतलेला निर्णय चुकीचा व दिशाभूल झाल्याने घेतला गेला होता.त्यावर पडदा टाकत २०२१-२२ या वर्षात निवडणुका होत असलेल्या नगर पालिका,जिल्हा परिषद,पंचायत समित्या, आदी निवडणूका होईपर्यंत शहराध्यक्ष पदी महावीर जाधव हेच असतील.असे स्पष्ट केले.आणि या निवडणूका झाल्यानंतर पुढील कार्यकारिणी नियुक्त केली जाईल.असे सांगितले.तसेच जिल्हयातील भाजप मित्र पक्ष असूनही विश्वासात घेत नसल्याची खंत ही त्यांनी यावेळी बोलून दाखवली.
यावेळी जिल्हा कार्याध्यक्ष देविदास मोरे,तालुकाध्यक्ष राजाभाऊ पवार,महिला तालुकाध्यक्ष सौ. संगीता वाघ,शहराध्यक्ष सौ. संध्या आहिरे,दादाजी महाले,संजय पवार, क्रांतिलाल मोरे,कपिल तेलुरे,गौतम काकळीज(शहर सचिव), प्रशांत गरुड़ (शहर संपर्क प्रमुख), दीपक मोरे, (शहर उपाध्यक्ष), जफरभाई शैख़ (अल्पसंख्यांक शहराध्यक्ष),सोमनाथ चौधरी,(शहर संघठक), प्रवीण इघे (शहर सह संघटक), प्रमोद पगारे (सह - सचिव), विलास लोखंडे, किरण पवार, निलेश जाधव आदी उपस्थित होते.
Comments
Post a Comment