अखेर जाटपाडे येथील डीपी चा प्रश्न मार्गी.!

नांदगाव-: जगाचा पोशिंदा असलेल्या बळीराजाच्या प्रश्नांची सोडवणूक करणे हे आपले आद्यकर्तव्य असल्याचे मानून त्या दृष्टीने कामकाज करत असलेल्या आमदार सुहास कांदे यांनी काल नांदगाव मतदार संघातील मात्र मालेगाव तालुक्यातील जाटपाडे येथील गेल्या कैक वर्षांपासून प्रलंबित वीज रोहित्राचा प्रश्न सोडवल्याने शेतकऱ्यांनी समाधान व्यक्त केले आहे.

      येथील मधू डी.पी. या नावाने प्रचलित असलेली महत्वाची डीपी  अनेक वर्षांपासून बंद-चालू या स्वरूपात कार्यरत होती.अन त्याचा मोठा फटका शेतकऱ्यांना सहन करावा लागत होता.अनेकदा तर या डीपी मुळे हातातोंडाशी आलेली पिके सोडून द्यावी लागत असे.

     यापूर्वीच्या अनेक लोकप्रतिनिधींकडे अनेक वेळा तक्रार करूनही फायदा झाला नव्हता.किंवा या महत्वाच्या प्रश्नाची सोडवणूक झाली नव्हती.मात्र शेवटचा पर्याय म्हणून सदर शेतकऱ्यांनी हा प्रश्न आमदार कांदे यांचे पुतणे धनंजय कांदे,विठोबा शेवाळे यांच्या माध्यमातून आमदार सुहास कांदे यांच्या कानावर  घातला असता ; त्यांनी वीज वितरण कंपनीच्या वरिष्ठ अधिकाऱ्यांशी चर्चा करून सदर प्रश्न सद्यस्थितीत किती ज्वलंत झाला आहे,याची जाणीव करून दिली.त्यानंतर काही दिवसांतच या ठिकाणी नवीन वीज रोहित्र बसवण्यात आले.त्याचा शुभारंभ आमदार कांदे यांच्या सुविद्य पत्नी सौ.अंजली कांदे यांचे हस्ते करण्यात आला.

           यावेळी शिवसेना युवा नेता विठोबा (माऊली) शेवाळे, जेष्ठ नेते मधुअण्णा कदम,सबस्टेशनचे इंजिनिअर श्री. शिसोदे, युवा तालुका प्रमुख वैभव साळुंखे, रतीलाल (आबा) शेवाळे,मेहुणेचे सरपंच आबा देवरे, जाटपाडे, ग्रा.प.सदस्य भाकचंद आण्णा,

रामचंद्र मोकळ, राम दादा आहीरे, संदीप बाविस्कर आदिंसह जाटपाडे येथील समस्त ग्रामस्थ आदी उपस्थित होते.