आमदार कांदे यांचा मराठा समाजाकडून सत्कार.!

नांदगाव-: वार्ताहर

मराठा क्रांती मोर्चा आंदोलनात ज्या ४२ मराठा समाज बांधवांनी प्राणाची आहुती दिली.त्यांना आर्थिक सहाय्य किंवा त्यांच्या वारसांना सरकारी नोकरी देण्याची मागणी नांदगाव विधानसभा मतदार संघाचे आमदार सुहास कांदे यांनी सातत्याने महाराष्ट्र सरकारकडे केली होती.त्याला यश मिळाले.म्हणून तालुक्यातील समाज बांधवांनी आमदार कांदे यांचा सत्कार करून कृतज्ञता व्यक्त केली.

        गेल्या आठवड्यात महाविकास आघाडी सरकारने त्या ४२ मराठा बांधवांच्या परीवारातील वारसास दहा लाख रुपये आणि त्यातील बावीस मराठा बांधवांना एसटी मध्ये नोकरी देण्याचे जाहीर केले.आणि यासाठी आमदार श्री.कांदे यांनी जाणीवपूर्वक प्रयत्न केले होते.या पार्श्‍वभूमीवर नांदगाव येथील मराठा समाज बांधवांनी आमदार सुहास  कांदे यांच्या या कामगिरीचे कौतुक करून त्यांचे आभार व्यक्त केले.फक्त नांदगाव मतदार संघा पुरतेच नाही तर महाराष्ट्रातील सकल मराठा समाजाचा विचार करून आमदार सुहास कांदे यांनी मुख्यमंत्री उद्धव ठाकरे उपमुख्यमंत्री अजित पवार ज्येष्ठ नेते शरद पवार यांना वेळोवेळी सदर मागणी करून या विषया कडे सरकारचे लक्ष केंद्रित केले. आमदारांच्या या भूमिकेचे नांदगाव तालुक्यातील मराठा समाजाने स्वागत केले.

    याप्रसंगी आमदार सुहास कांदे यांनी आपल्या कामगिरीने सकल मराठा समाजाचे मन जिंकले आहे. याबद्दल सकल मराठा समाजातर्फे व मराठा तितुका मेळवावा ह्या संघटनेकडुन आभार मानतो असे मत अँड.उमेश सरोदे यांनी व्यक्त केले.या प्रसंगी, माजी.पं.सं.सभापती विलास आहेर,शिवसेना तालुका प्रमुख किरण देवरे, उमेश उगले,सागर हिरे पाटील, अभिजीत आहेर, संदिप भदाणे,निलेश कवडे, प्रविण देशमुख, प्रशांत गंवादे,संजय देशमुख,याप्रसंगी मोठ्या प्रमाणात मराठा बांधव उपस्थित होते.