लोकनेते विजुमामा आहेर यांचा जीवनप्रवास आदर्शवत.आ.सुहास कांदे

दिवंगत लोकनेते विजू मामा आहेर यांनी पंचक्रोशीतील गोरगरीब जनतेसाठी मध्यवर्ती ठिकाण म्हणून न्यायडोंगरी येथे शिक्षणाची गंगा आणली.आणि या ठिकाणी शिक्षण घेऊन अनेकांनी आपला यशस्वी जीवनप्रवास सुखद केला आहे,असे प्रतिपादन तालुक्याचे आमदार सुहास कांदे यांनी केले.

         कै. विजय शिवराम आहेर यांच्या जयंतीनिमित्त विविध उपक्रम दरवर्षी राबवले जातात.यंदा ही शालेय क्रीडा स्पर्धा,प्रसिद्ध महिला युवा कीर्तनकार हभप शिवलीला पाटील यांचे कीर्तन,विद्यार्थ्यांचे सांस्कृतिक कार्यक्रम,कोव्हीड-१९ वर प्रबोधनात्मक नाटिका,स्त्रीभ्रूण हत्या वर नृत्य,असे अनेक उपक्रम राबवण्यात आले.

      आज समारोप प्रसंगी आमदार श्री.कांदे यांनी हजेरी लावत लोकनेते कै. विजय (मामा) आहेर यांच्या स्मृतींना उजाळा दिला.

     यावेळी सुदामकाका आहेर,शिवसेना तालुका प्रमुख किरण देवरे,मजूर संस्थेचे संचालक गुलाब भाबड,पंचायत समितीचे सभापती सुभाष कुटे,तालुका काँग्रेस चे तालुकाध्यक्ष समाधान पाटील, माजी सभापती भाऊसाहेब हिरे,शिवाजी बच्छाव, डॉ. प्रभाकर पवार,संजय आहेर,युवा सेना पदाधिकारी अमोल नावदंर,डॉ.शेळके यांच्यासह संस्थेचे सरचिटणीस विलास आहेर,विद्यालयाच्या प्राचार्या सौ.पी.व्ही.आहेर,उपमुख्याध्यापक .आर.के.सोनस,पर्यवेक्षक.डब्ल्यु.ए.जाधव विद्यालयाचे मुख्यलिपीक तथा संचालक बाळासाहेब भोसले,शिक्षक,शिक्षिका व शिक्षकेत्तर कर्मचारी या वेळी उपस्थित होते.