न्याययडोंगरी येथील आश्रम शाळेतील विद्यार्थ्यांची क्रीडा भरारी.!

नांदगाव-: वार्ताहर

तालुक्यातील न्यायडोंगरी येथील श्री शनैश्वर सेवाभावी संस्था संचलित स्व.( आण्‍णासो) गंगाधर शिवराम आहेर आदिवासी अनुदानित प्राथमिक व माध्यमिक आश्रम शाळेतील विद्यार्थी सचिन वळवी याने राज्यस्तरीय २०० मी. धावण्याच्या स्पर्धेत राज्यात द्वितीय क्रमांकाने यश संपादित केल्याने त्याची जिल्हा क्रिडा प्रबोधनीत निवड झाल्याने त्याचा माजी आमदार तथा या संस्थेचे सरचिटणीस अँड.अनिल आहेर यांनी गौरव केला.

           कार्यक्रमाच्या अध्यक्षस्थानी माजी ग्रामपंचायत सदस्य रूपचंद अहिरे होते.या यशस्वी विद्यार्थ्यांचा गौरव करताना अँड.आहेर म्हणाले की,भविष्यात  जास्तीत जास्त प्रमाणात विद्यार्थ्यांनी खेळामध्ये सहभाग नोंदवावा,आणि गुणी विद्यार्थ्यांना प्रोत्साहन देण्याचे काम शिक्षकांनी करावे.आजच्या कामगिरी बद्दल सदर विद्यार्थी,क्रीडा शिक्षक श्री.रायते

व सर्व कर्मचाऱ्यांचे मी अभिनंदन करतो,असे ते शेवटी म्हणाले.

           सदर कार्यक्रमासाठी परिसरातील आदिवासी बांधव , गावातील प्रतिष्ठित नागरिक,विद्यार्थी ,शिक्षक व शिक्षकेतर कर्मचारी मोठ्या संख्येने उपस्थित होते.