मंगळणे ग्रामपंचायतीवर पुन्हा भगवा फडकला.!

नांदगाव-: वार्ताहर

तालुक्यातील मंगळणे ग्रामपंचायतीच्या पोटनिवडणुकीत ज्या सत्ताधारी गटाचे चार सदस्य शौचालय नसल्याच्या कारणास्तव अपात्र ठरवले गेले होते,त्याच गटाकडे पुन्हा एकदा सत्तेची दोरी मतदारांनी सोपवल्याने या ग्रामपंचायतीवर पुन्हा एकदा भगवा फडकला आहे.

       याबाबत अधिक असे की,या पोटनिवडणुकीत वार्ड क्रमांक १ मधून अनुसूचित जमाती स्त्री प्रवर्गातील श्रीमती वैशाली रामभाऊ पवार, वार्ड क्रमांक २ मधून सर्वसाधारण प्रवर्गातील संजय बापू पाटील हे बिनविरोध तर वार्ड क्रमांक ३ मधून अनुसूचित जमाती स्त्री प्रवर्गातील सौ. सुगंधा रामभाऊ पवार आणि अनुसूचित जमाती पुरुष प्रवर्गातील सुदर्शन रामभाऊ पवार हे बहुमताने विजयी झाले.

    एकाच कुटुंबातील तीन सदस्य निवडून  येण्याची पहिली वेळ आहे.यापूर्वी च्या सत्ताधारी गटाच्या हमसे करे सो कायदा या वृत्तीला कंटाळून गत निवडणुकीत मतदारांनी सुसंस्कृत सुशिक्षित उमेदवारांना संधी दिली होती.

         सन २०१९ मध्ये झालेल्या निवडणूकीत थेट सरपंच पदावर सौ. सुगंधा रामभाऊ पवार आणि उपसरपंच संजय बापू पाटील हे बहूमताने निवडून आले होते.