छत्रपती शिवाजी महाराजांच्या स्मारकाची दुरवस्था. नगरपालिकेचे दुर्लक्ष होत असल्याचा आरोप
नांदगाव-: महाराष्ट्राचे आराध्यदैवत छत्रपती शिवाजी महाराज यांच्या स्मारकाची अत्यंत दुरवस्था झाली असून,या बाबत नगरपालिका प्रशासनाला अवगत केले ; मात्र त्यांनी याकडे दुर्लक्ष केले असल्याचा आरोप करत ३ जानेवारी पासून आमरण उपोषण छेडण्याचा इशारा शिवभक्त संगीता सोनवणे यांनी दिला आहे.
नांदगाव नगरपालिकेला दिलेल्या निवेदनात श्रीमती सोनवणे पुढे म्हटले आहे की,शहरातील शिवस्फूर्ती मैदानावरील तसेच नगरपालिकेच्या मुख्य इमारती समोर असलेल्या या स्मारकाची काळाच्या ओघात दुरवस्था झाली आहे.संरक्षक जाळी गंजून गेल्या आहेत,स्मारकाचे छत ही खराब झाले आहे.पावसाचे पाणी पुतळ्यावर पडून भविष्यात पुतळा ही खराब होण्याची शक्यता आहे.याबाबत नगरपालिका प्रशासनाला अनेकदा तोंडी स्वरूपात सूचना केली आहे,मात्र त्यांनी याकडे दुर्लक्ष केले आहे.
Comments
Post a Comment