कोरोनाचा वाढता प्रादुर्भाव लक्षात घेऊन लसीकरणाचा वेग वाढवा-अश्विनी आहेर

नांदगाव-: संतोष कांदे

देशात,राज्यात व जिल्ह्यात कोरोनाचा प्रादुर्भाव वाढत चालला आहे,हे स्पष्ट करून लसीकरणाचा वेग वाढवा अशा सूचना जिल्हा परिषद च्या महिला व बालकल्याण समितीच्या सभापती अश्विनी आहेर यांनी तालुका आरोग्य प्रशासनाला केल्या.

       न्यायडोंगरी व पिंपरखेड येथील रुग्णकल्याण समितीची बैठक आहेर यांच्या अध्यक्षतेखाली पार पडली,त्यावेळी त्या बोलत होत्या.यावेळी रुग्ण कल्याण समितीचे उपाध्यक्ष तथा तालुका आरोग्य अधिकारी डॉ.संतोष जगताप, रुग्ण कल्याण समितीचे सदस्य डॉ. विष्णु आहेर,सरपंच श्रीमती सुशिलाबाई आहेर,शोभा मोरे,योगेश वाघ, डॉ.अरुण पवार उपस्थित होते.

     यावेळी विविध विषयांवर चर्चा करण्यात आली,मागील रुग्णकल्याण समितीच्या इतिवृत्ताचे वाचन करण्यात आले.कोव्हीड-१९ चे नियमित लसीकरण बाबतचा आढावा,मातृवंदना,जननी सुरक्षा,मानवविकास कार्यक्रम,फ्री डायट योजनांचा आढावा घेण्यात आला.

        ह्या योजनेपासून एक ही लाभार्थी वंचित राहणार नाही अशी  सूचना सभापती अश्विनी आहेर यांनी दिल्या.

     याप्रसंगी वैद्यकीय अधिकारी डॉ. आशिष साबळे, डॉ. प्रशांत तांबोळी, डॉ. शुभम आहेर, डॉ. अमित गायकवाड गट प्रवर्तक, आशा सेविका, अंगणवाडी सेविका, रुग्ण कल्याण समिती सदस्य व इतर कर्मचारी उपस्थित होते.