बैल तांगा शर्यतीला परवानगी मिळाल्याने पिंपरखेड येथे बैलांची मिरवणूक

नांदगाव-:वार्ताहर

सर्वोच्च न्यायालयाने काही अटी शर्तीवर बैलतांगा शर्यतील शर्यतीला परवानगी दिल्याने तालुक्यातील पिंपरखेड येथील तांगा शौकिनांनी बैलांची जल्लोषात मिरवणूक काढून आनंद व्यक्त केला.

        अनेक वर्षांपासून बैल तांगा शर्यतीला बंदी घालण्यात आली होती.काही वेळ अटी घालून परवानगी देण्यात आली होती,मात्र या अटींचे उल्लंघन झाल्याने पुन्हा बंदी घालण्यात आली.तसेच बेकायदा शर्यत आयोजित करणाऱ्यांवर गुन्हे ही दाखल झाले होते.

          सर्वोच्च न्यायालयाने बैल तांगा शर्यतीला परवानगी दिल्याने तांगा शौकीन व शेतकऱ्यांमध्ये आनंद बघायला मिळाला. आज पिंपरखेड येथे गावातून  मिरवणूक काढण्यात आली.फटाक्याची आतषबाजी करत बैलाची गावातील महिलानी बैलाचे औक्षण केले.गावातील तरुण तसेच वयोवृध्द यांनी मिरवणूकीत भाग घेतला. याप्रसंगी पिंपरखेड चे सरपंच उत्तम सोनवणे, संंदीप मवाळ, तांगा चालक मालक. पप्पू मवाळ , नारायण सरोदे, रामजी राठोड, संदिप कांदे , प्रविण चव्हाण ,विकास कदम तसेच गावातील आबासाहेब सोनवणे, प्रकाश मवाळ , तान्हाजी खैरणार, दिपक मोरे,गोरख चव्हाण ,सचिन बोरसे, निलेश घोटेकर, मयूर तुरकुणे,समाधान सानप , राहूल सानप , करण दिवे. , पवन तूरकुणे,  व गावातील सर्वच क्षेत्रातील लोकांनी मिरवणूकीत सहभाग नोदवला. 

     दरम्यान काही महिन्यांपूर्वी तांगा शर्यत सुरू करावी,म्हणून तहसील कार्यालयावर मोर्चा काढणाऱ्या माजी आमदार संजय पवार यांच्यावर गुन्हा दाखल करण्यात आला होता.त्यांनी पिंपरखेड गावात निघालेल्या बैलांच्या या मिरवणुकीत व्हिडिओ कॉल द्वारे सहभाग नोंदवला.