कारवाईच्या भीतीने पुरवठा अधिकाऱ्याचा राजीनामा.! मात्र तरीही जेलवारी टळणार नाही....चर्चा

नांदगाव -: वार्ताहर

    तहसील मधील पुरवठा अधिकारी मखमले यांनी कर्तव्यात कसूर केल्याचा ठपका  ठेवत नांदगांवचे तहसीलदार डॉ सिद्धार्थ मोरे यांनी मखमले यांच्या निलंबनाचा प्रस्ताव जिल्हा पुरवठा अधिकारी यांच्याकडे पाठवला आहे,मात्र याचे उत्तर येण्या अगोदरच ; पुढील कारवाई टाळण्यासाठी त्यांनी पुरवठा अधिकारी पदाचा राजीनामा जिल्हा पुरवठा अधिकारी यांच्याकडे राजीनामा सोपवला आहे.

         पुरवठा अधिकारी मखमले यांनी    आपल्या कामात हयगय  केल्याचा ठपका ठेवत त्यांना निलंबित करावं यासाठी ३० नोव्हेंबर रोजी नांदगावचे तहसीलदार डॉ मोरे यांनी निलंबनाचा प्रस्ताव जिल्हा पुरवठा अधिकारी यांच्याकडे पाठवला होता हा प्रस्ताव  पाठवून पंधरा दिवसांचा कालावधी उलटून देखील संबंधित पुरवठा अधिकारी यांच्यावर कुठलीच कारवाई झालेली नसतानाच पुरवठा अधिकारी मखमले यांनी आपल्यावरील पुढील कारवाई टळावी यासाठी आपल्या पदाचा राजीनामा जिल्हा पुरवठा अधिकारी यांच्याकडे सोपवल्याचे खात्रीशीर वृत्त आहे. याबाबत पुरवठा जिल्हा पुरवठा अधिकारी कार्यालयाशी संपर्क साधला असता मखमले यांनी राजीनामा दिल्याच्या वृत्ताला दुजोरा दिला आहे

                  याबाबत जिल्हा पुरवठा अधिकारी कार्यालयाशी संपर्क साधून अधिक माहिती जाणून घेण्याचा प्रयत्न केला असता पुरवठा अधिकाऱ्यांचे नियुक्ती प्राधिकारी हे जिल्हाधिकारी कार्यालयाशी संबंधित असल्याने त्यांच्याकडे संबंधित निलंबनाचा प्रस्ताव तसेच मखमले यांनी दिलेला  राजीनामा देखील संबंधित कार्यालयाकडे  पाठवण्यात आल्याची माहिती देण्यात आली,

        पुरवठा अधिकरी मखमले यांच्यावरील निलंबनाची कारवाई प्रस्तावित असताना आपल्या पदाचा राजीनामा दिल्याने त्यांच्यावरील संशय अधिक बळकावला आहे याबाबत नांदगाव तालुक्यात अनेक उलटसुलट चर्चा सुरू आहेत नांदगांवच्या पुरवठा अधिकाऱ्यांवर निलंबनाचा कारवाईचा प्रस्ताव प्रस्तावित असताना वरिष्ठांकडून त्यांचा राजीनामा स्वीकारला जातो का नाही.? याकडे आता तालुक्याचेच नव्हे तर जिल्हयाचे  लक्ष लागले आहे.