सा.शनैश्वर टाइम्स च्या बातमीची दखल। आमदार सुहास कांदे यांच्याकडून छत्रपतींच्या स्मारक नूतनीकरण कामासाठी २० लाख रुपयांचा निधी...!


नांदगाव-: संतोष कांदे
महाराष्ट्राचे आराध्यदैवत छत्रपती शिवाजी महाराज यांच्या स्मारकाची अत्यंत दुरवस्था झाली असल्याचे वृत्त सर्वप्रथम सा.शनैश्वर टाइम्स ने प्रसिद्धीस दिले होते.त्याची दखल घेऊन आमदार सुहास कांदे यांनी सदर स्मारकासाठी आमदार निधीतून सुमारे २० लाख रुपयांचा निधी मंजूर करून आणल्याने शिवभक्तांनी आमदार श्री.कांदे यांचे आभार मानले आहेत.
       या बाबत अधिक असे की,येथील शिवभक्त संगिता सोनवणे यांनी स्मारकाची दुरवस्था झाल्याबाबत नगरपालिका प्रशासनाला अवगत केले ; मात्र त्यांनी याकडे दुर्लक्ष केले असल्याचा आरोप करत ३ जानेवारी पासून आमरण उपोषण छेडण्याचा इशारा शिवभक्त संगीता सोनवणे यांनी दिला होता.
    नांदगाव नगरपालिकेला दिलेल्या निवेदनात श्रीमती सोनवणे पुढे म्हटले होते  की,शहरातील शिवस्फूर्ती मैदानावरील तसेच नगरपालिकेच्या मुख्य इमारती समोर असलेल्या या स्मारकाची काळाच्या ओघात दुरवस्था झाली आहे.संरक्षक जाळी गंजून गेल्या आहेत,स्मारकाचे छत ही खराब झाले आहे.पावसाचे पाणी पुतळ्यावर पडून भविष्यात पुतळा ही खराब होण्याची शक्यता आहे.याबाबत नगरपालिका प्रशासनाला अनेकदा तोंडी स्वरूपात सूचना केली आहे,मात्र त्यांनी याकडे दुर्लक्ष केले आहे.
     तरी स्मारकाचे नूतनीकरण न झाल्यास येत्या ३ जानेवारी पासून स्मारकासमोर आमरण उपोषण छेडणार असल्याचे या निवेदनात शेवटी म्हटले होते.व याबाबत सा.शनैश्वर टाइम्स मध्ये सविस्तर वृत्त प्रसिद्ध करण्यात आले होते.
      आज आमदार सुहास कांदे यांचे हस्ते या नूतनीकरण कामाचे भूमिपूजन होणार असून,येत्या १९ फेब्रुवारी च्या आत हे काम पूर्ण केले जाणार आहे.त्यामुळे शिवभक्तांनी आनंद व्यक्त करून आमदार श्री.कांदे यांचे आभार मानले आहेत.

Comments

  1. जय भवानी जय शिवराय!
    छत्रपती शिवाजी महाराजांचा

    ReplyDelete

Post a Comment

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक