एक दिवस गावासाठी...! जळगाव खुर्द ग्रामपंचायतीचा अनोखा उपक्रम
नांदगाव-: संतोष कांदे
केंद्र व राज्य शासन कृषी विभागाच्या माध्यमातून वेगवेगळ्या शेतकरी हिताच्या अनेक योजना राबवत असून या योजना “एक दिवस गावासाठी” या मार्गदर्शन शिबिराच्या माध्यमातून शेतकऱ्यांच्या दारात पोहोचविण्याचे उल्लेखनीय कार्य जळगाव खुर्द येथील ग्रामपंचायत करत असल्याने शेतकरी वर्गाने कृषी विभागाच्या विविध योजना राबवून आपली आर्थिक प्रगती करून घ्यावी.असे प्रतिपादन तालुका कृषी अधिकारी जगदीश पाटील यांनी केले.
ते जळगाव खुर्द ग्रामपंचायत कार्यालयाने आयोजित “एक दिवस गावासाठी” या मार्गदर्शन शिबिरात बोलत होते.पुढे बोलताना श्री.पाटील म्हणाले की, महाडीबीटी,आत्मा अंतर्गत गटशेती,प्रधानमंत्री सूक्ष्म अन्नप्रक्रिया योजना याविषयी सविस्तर मार्गदर्शन करताना योजनेचा उद्देश,शासन स्तरावर होत असलेली प्रक्रिया व योजनेच्या माध्यमातून मिळणारे फायदे याची माहिती दिली.
यावेळी जळगाव खुर्द ग्रामपंचायतीचे उपसरपंच यशवंतराव जाधव,कृषी सहाय्यक श्रीमती जयश्री,ग्रामसेवक पवन थोरात,ग्रामपंचायत कर्मचारी गोकूळ,सरोदे,वैभव सरोदे,दत्तू सरोदे आदींसह शेकडो शेतकरी,ग्रामस्थ उपस्थित होते.कार्यक्रमाचे प्रास्ताविक यशवंत जाधव यांनी तर सूत्रसंचालन विजय तुरकूने यांनी केले.
Comments
Post a Comment