अवांतर वाचन स्पर्धा परीक्षेची पहिली पायरी-: मुख्याधिकारी विवेक धांडे
- Get link
- X
- Other Apps
नांदगाव- : प्रतिनिधी
शिष्यवृत्ती परीक्षा म्हणजे स्पर्धा परीक्षेची पहिली पायरी आहे,हे स्पष्ट करून स्पर्धा परीक्षेत यश मिळवण्यासाठी अवांतर वाचन खूप महत्वाचे आहे,असे प्रतिपादन नांदगाव नगरपालिकेचे मुख्याधिकारी विवेक धांडे यांनी केले.
महाराष्ट्र राज्य शिष्यवृत्ती परीक्षा परिषद पुणे यांच्या वतीने घेण्यात येणाऱ्या इयत्ता ५ वी व ८ वी शिष्यवृत्ती परीक्षेत व्ही. जे. हायस्कूल मधील १५ विद्यार्थांनी जिल्हा गुणवत्ता यादीत स्थान मिळवून घवघवीत यश मिळविले.याबद्दल कौतुक म्हणून त्यांचा शाळेच्या वतीने गुणगौरव समारंभ आयोजित करण्यात आला होता,त्यावेळी श्री.धांडे बोलत होते.
ते पुढे म्हणाले की,पालकांनीही आपल्या पाल्यावर जास्त दबाव न टाकता त्यांना अवांतर वाचनाची गोडी लावावी यातूनच ते पुढील स्पर्धेसाठी यशस्वी होतील असे सांगून यशस्वी विद्यार्थाचे कौतुक केले.
याप्रसंगी कार्यक्रमाच्या अध्यक्षस्थानी शालेय समितीचे अध्यक्ष संजीव धामणे होते.त्यांनी ही आपल्या मनोगतातून यापुढेही आपण नियमितपणे अभ्यास करावा, व शाळेचा नावलौकिक उंचावण्यासाठी विद्यार्थ्यांनी प्रयत्न करावे असे सांगून शुभेच्छा दिल्या. सदर कार्यक्रमाचे प्रास्ताविक विद्यालयाचे मुख्याध्यापक दयाराम अहिरे यांनी केले व पाहुण्यांना शाळेच्या वतीने शाल गुलाबपुष्प देवून गौरव केला.
तसेच गुणवत्ता यादीत स्थान मिळविलेल्या मिळविलेल्या विद्यार्थाचा पाहुण्याच्या हस्ते सत्कार करण्यात आला. यात ५ वी शिष्यवृत्ती परीक्षेत साची सचिन अत्रे (जिल्हात ४१ वी ),श्रुती बिभीषण मोरे(जिल्हात १३८ वी ),यथार्थ राहुल नाईक (जिल्हात १८१ वा ),वेदांत सुनिल हिंगमिरे (जिल्हात २८९ वा ) तर ८ वी शिष्यवृत्ती परीक्षेत मृणाल मंदार रत्नपारखी (जिल्हात २४ वी) ,वैष्णवी प्रविण जावरे(जिल्हात ३९ वी ),मानसी शामपुरी गोसावी (जिल्हात ५० वी ) हर्ष साहेबराव सदगीर (जिल्हात ६२ वा ),अभिजित विठ्ठल चौरे (जिल्हात ८० वा ),केतकी विनायक बोरसे (जिल्हात ९२ वी ),तन्मय विलास चव्हाण (जिल्हात ११० वा ),श्रुती संजय देशमुख (जिल्हात १०९ वी ),मोहिनी सोमनाथ देशमुख (जिल्हात १३१ वी ),दर्शन नरेंद्र श्रीवास्तव (जिल्हात १८५ वा),कौस्तुभ विनायक बोरसे (जिल्हात २४६ वा ) या विद्यार्थाचा सत्कार करण्यात आला.या विद्यार्थांना शिष्यवृत्ती प्रमुख भास्कर मधे,व नितेश पवार यांनी मोलाचे मार्गदर्शन केल्याबद्दल,तसेच प्रकाश गरुड ,अनिल पाटील,प्राजक्ता आहेर,संजय घिगे,रविंद्र ठाकरे,प्रियंका पाटील यांनी विषयाचे मार्गदर्शन केल्याबद्दल सत्कार करण्यात आला .या कार्यक्रमा प्रसंगी शालेय समिती सदस्य मंदार रत्नपारखी,उपमुख्याध्यापक भास्कर जगताप,पालकवर्ग उपस्थित होते.विद्यार्थांनी मिळविलेल्या यशाबद्दल संस्थेचे कार्याध्यक्ष राजेंद्र कलाल,सेक्रेटरी अश्विनीकुमार येवला सी.व्ही.रमण अकादमी प्रमुख अलका कुलकर्णी यांनी विद्यार्थाचे अभिनंदन केले.कार्यक्रम यशस्वीतेसाठी शाळेतील सर्व शिक्षक शिक्षकेतर कर्मचारी याचे सहकार्य लाभले.
- Get link
- X
- Other Apps
Comments
Post a Comment