शेतकऱ्यांची वीज खंडीत करताना हजार वेळा विचार करा.! शेतकऱ्यांच्या प्रश्नांवर आमदार सुहास कांदे झाले आक्रमक.

नांदगाव-: संतोष कांदे

 गेल्या काही दिवसांपासून तुमच्या कामकाजाविषयी बऱ्याच तक्रारी माझ्याकडे आल्यात,पण बघू म्हटलं कामकाजात सुधारणा होईल,असे स्पष्ट करून माझ्या शेतकरी बांधवांची वीज खंडीत करताना दहा नव्हे तर हजार वेळा विचार करा..अन्यथा त्यानंतर काय परिणाम होईल याचा विचार तुम्ही करू शकत नाही..असा सज्जड दम आमदार सुहास कांदे यांनी वीज वितरण कंपनीच्या अधिकाऱ्यांना भर बैठकीत दिला.

    थकीत वीज बिल वसुलीच्या मुद्द्यावरून वीज वितरण कंपनीचे अधिकारी शेतकऱ्यांची वीज खंडीत करत असल्याच्या अनेक तक्रारी आमदार सुहास कांदे यांच्याकडे प्राप्त झाल्याने त्यांनी आज वीज वितरण कंपनीच्या अधिकारी व कर्मचाऱ्यांची तातडीची बैठक शासकीय विश्रामगृह शिवनेरी वर बोलावली होती.

      यावेळी बैठकीत वीज वितरण कंपनीच्या अधिकारी व कर्मचाऱ्यांना आमदार कांदे यांनी चांगलेच धारेवर धरत ; ज्या शेतकऱ्याची वीज खंडीत करायची आहे,त्यांना किमान १५ दिवस अगोदर लेखी स्वरूपात सूचना द्यावी, आणि असे करत असताना कुठल्याही प्रकारची अरोरावी खपवून घेतली जाणार नाही.जगाचा पोशिंदा असलेला तो बळीराजा आहे,त्याला सन्मानपूर्वक वागणूक माझ्या मतदार संघात मिळायलाच अन्यथा याचे परिणाम वाईट होतील.असा गंभीर इशारा आमदार सुहास कांदे यांनी दिला.

        वीज वितरण कंपनीचे अधिकारी कर्मचारी नियमात राहून कर्तव्य बजावत असतील ,अन त्यांना कुणी जाणीवपूर्वक त्रास देत असेल तर त्या कर्मचाऱ्यांच्या पाठीशी आमदार सुहास कांदे खंबीरपणे उभा आहे,हे सांगण्यास ही ते विसरले नाहीत.यामुळे शेतकऱ्यांना दिलासा देण्यासह आमदार सुहास कांदे यांनी वीज वितरण कंपनीच्या प्रामाणिक अधिकारी, कर्मचार्यांना वाऱ्यावर सोडले जाणार नाही याची ग्वाही ही यावेळी दिली.

       यावेळी मनमाडचे कार्यकारी अभियंता श्री.तडवी,नांदगावचे उप कार्यकारी अभियंता श्री.वाटपाडे,

यांच्यासह शिवसेनेचे तालुका प्रमुख किरण देवरे, गुलाब भाबड,विष्णू निकम,

श्रीकांत परदेशी,बाळासाहेब आव्हाड सुनील जाधव,सागर हिरे उपस्थित होते .