जळगाव बुद्रुकच्या प्राथमिक शाळेत शिक्षण परिषद उत्साहात
नांदगाव-: संतोष कांदे
तालुक्यातील कासारी केंद्रानंतर्गत येणाऱ्या जळगाव बुद्रुक येथील जिल्हा परिषदच्या प्राथमिक शाळेत शिक्षण परिषद मोठ्या उत्साहात संपन्न झाली.
शिक्षणातील नवप्रवाह समजून घेणे,केंद्राअंतर्गत गुणवत्तापूर्ण शिक्षणासाठी सदर शिक्षण परिषदचे दरमहा आयोजन केले जाते.हे सहावे पुष्प होते.या परिषदच्या अध्यक्षस्थानी केंद्रप्रमुख श्री.जगधने होते,तर परिषदचे उदघाटन शरद आव्हाड यांनी केले.
सदर शिक्षण परिषदेत जीवन कौशल्य :-निर्णय क्षमता, क्षमता आधारित अध्ययन, समावेशित शिक्षण,निष्ठा प्रशिक्षण SCERT आंरभित कार्यक्रम,स्वातंत्र्याचा अमृत महोत्सव ,एक भारत श्रेष्ठ भारत,वाचन अभियान, Read To me Application, गोष्टींचा शनिवार, अभ्यासाला2.oव स्वाध्याय,,शिकू आनंदे ,देखो अपना देश,Room To Read या विषयावर चर्चा करण्यात आली. CRG सदस्य गोकुळ निकम, शैलेश टिळेकर, सतीश बिरारी, संजय आगोने तसेच समावेशीत शिक्षण तज्ञ सचिन जाधव यांनी चर्चेचे आयोजन करून मार्गदर्शन केले. विश्रांती च्या कालावधीत महिला शिक्षिकांनी हळदी कुंकू चा छोटेखानी कार्यक्रम देखील आयोजित केला होता. शिक्षण परिषदेचे सूत्रसंचालन श्रीमती कविता रोकडे यांनी केले तर श्रीमती मंगल घुगे यांनी आभार मानले. शाळेचे मुख्याध्यापक राजेंद्र काटकर , छाया बोरसे, संगीता सोनवणे, वर्षा थोरात, अजिंक्य गायकवाड यांचे याकामी सहकार्य लाभले. गटशिक्षणाधिकारी श्री.चिंचोले,शिक्षण विस्तार अधिकारी श्रीमती साळुंके यांनी महत्वपूर्ण मार्गदर्शन केले
Comments
Post a Comment