पंकज भुजबळांनी नांदगाव चा नाद सोडला.? खा.संजय राऊत यांचे बोलणे मनावर घेतले की काय.? याची चर्चा जनसामान्यांत सुरू
नांदगाव-: संतोष कांदे
तालुक्यातील राष्ट्रवादी काँग्रेसच्या दोन महत्त्वाच्या नेत्यांचा वाढदिवस नुकताच साजरा झाला.मात्र या निष्ठावंत कार्यकर्त्यांच्या वाढदिवसाला माजी आमदार पंकज भुजबळ यांची अनुपस्थिती सर्वांना खटकली.आणि त्यामुळेच माजी आमदार पंकज भुजबळ यांनी नांदगावचा नाद सोडला की काय.? अशी चर्चा तालुक्यात सुरू झाली आहे.
जिल्ह्यातील अग्रगण्य असलेल्या मराठा विद्या प्रसारक समाज संस्थेचे संचालक दिलीपदादा पाटील यांचे तालुक्यात विशेषतः मराठा समाजात चांगले प्रस्थ आहे.इतर समाजात ही त्यांना मानणारा मोठा चाहता वर्ग आहे.व त्यांच्या कार्यकर्त्यांची फौज ही मोठी आहे.आणि त्याचबरोबर त्यांचे सुपुत्र,तथा मनमाड नगरपालिकेचे माजी नगराध्यक्ष बबलू पाटील हे ही मनमाड शहरातील एक नावाजलेले व्यक्तिमत्व आहे.वडिलांच्या पावलावर पाऊल ठेवून ते ही मार्गक्रमण करत असल्याने त्यांनी ही प्रत्येक समाजात मोठा गोतावळा जमा केला आहे.
घाटमाथ्यावरील मराठा समाजातील एक प्रतिष्ठित नाव तथा राष्ट्रवादी काँग्रेसचे विद्यमान तालुकाध्यक्ष विजय पाटील हे ही स्थानिक पातळीवर गोरगरीब जनतेसाठी लढणारे व्यक्तिमत्व आहे.त्यांनाही मानणारा मोठा वर्ग या पंचक्रोशीत आहे.आणि या राष्ट्रवादी काँग्रेसच्या दोन्ही नेत्यांचा नुकताच वाढदिवस साजरा झाला.मात्र या वाढदिवसाला माजी आमदार पंकज भुजबळ यांची गैरहजेरी चर्चेचा विषय ठरली आहे.
Comments
Post a Comment