नांदगाव महाविद्यालयात मराठी भाषा संवर्धन पंधरवडा साजरा

नांदगाव-: संतोष कांदे

 येथील मराठा विद्या प्रसारक समाजाच्या कला,वाणिज्य व विज्ञान महाविद्यालयात मराठी भाषा संवर्धन पंधरवडा मोठ्या उत्साहात साजरा करण्यात आला.

         दि.१४ ते २८ जानेवारी या कालावधीत राज्याच्या उच्च शिक्षण संचनालय व नांदगाव महाविद्यालय यांच्या संयुक्त विद्यमाने मराठी भाषा पंधरवडा साजरा करण्यात आला.यावेळी विविध कार्यक्रमांचे आयोजन करण्यात आले होते.तसेच विद्यार्थी व शिक्षकांसाठी ऑनलाइन प्रश्नमंजुषा ठेवण्यात आली.

           कार्यक्रमाचा समारोप दिंडोरी महाविद्यालयाचे मराठी विभाग प्रमुख प्रा.बलराम कांबळे यांच्या व्याख्यानाने झाला.आजच्या काळात वाचन संस्कृती लोप पावत असून विद्यार्थ्यांनी डॉ.बाबासाहेब आंबेडकर व स्वामी विवेकानंद यांना आदर्श मानून विविध पुस्तकांचे वाचन करुन आपले ज्ञान वाढविण्याचा तसेच विविध प्रसंग सांगून मराठी भाषा जगविण्याचा संदेश त्यांनी आपल्या व्याख्यानातून दिला.

      कार्यक्रमाचे अध्यक्ष महाविद्यालयाचे प्राचार्य डॉ.संजय मराठे यांनी विद्यार्थ्यांनी रोज पुस्तक वाचून आदर्श महापुरुषांचे विचार आत्मसात करावे असा संदेश दिला.कार्यक्रमाचे सुत्रसंचालन प्रा.श्रीमती के.टी. बागुल यांनी तर आभार प्रदर्शन प्रा.ज्ञानेश्वर दुसाने यांनी केले. कार्यक्रमाचे आयोजन मराठी विभाग प्रमुख प्रा.व्ही.एन.बागलावे  सम्नवयक प्रा. वाय.आर.

वाघ यांनी केले.या वेळी कनिष्ठ महाविद्यालय प्रमुख प्रा.राजेंद्र दिवटे, प्रा

.डी.आर. बच्छाव, प्रा.श्रीमती एस.ए.लोखंडे सर्व शिक्षक व शिक्षकेतर कर्मचारी व विद्यार्थी उपस्थित होते.