अनाथांची माई सिंधुताई यांना नांदगाव शिवसेनेच्या महिला आघाडीकडून श्रद्धांजली.

नांदगाव-: संतोष कांदे

हजारो अनाथांची माय म्हणून ओळखल्या जाणाऱ्या महान समाजसेविका सिंधुताई सपकाळ यांचे मंगळवारी सायंकाळी निधन झाले.नांदगाव शहर शिवसेना महिला आघाडी च्या वतीने सिंधुताईंना भावपूर्ण वातावरणात श्रद्धांजली अर्पण करण्यात आली.

शिवसेना कार्यालय नांदगाव येथे हा कार्यक्रम संपन्न झाला.

सिंधूताईं चे महान कार्य लक्षात घेता सरकारने आता हे कार्य पुढे कसे चालू राहील या कडे लक्ष द्यावे असे मत या प्रसंगी बोलताना स्मिता दंडगव्हाळ यांनी व्यक्त केले.सौ.भारती बोरसे यांनी सिंधुताई सपकाळ यांचा खडतर प्रवास सांगितला,सिंधुताई उभ्या आयुष्यात अनेक संकटांवर मात करून हजारो लेकिंची आई झाल्या,कित्येक मुलींचे लग्न लाऊन दिले,निरंतर अनेक अनाथांना आजही मायेचा आधार त्या देत होत्या.आज खऱ्या अर्थाने एक मयची सावली हरपली असे मत त्यांनी व्यक्त केले.सौ.रोहिणी मोरे यांनी व उपस्थित महिलांनी सिंधुताई सपकाळ यांच्या प्रतिमेला पुष्पहार व फुले अर्पण करून श्रद्धांजली अर्पण केली.

या कार्यक्रमास शिवसेना महिला आघाडी नांदगाव शहराध्यक्ष सौ.रोहिणी मोरे,सौ भारती बोरसे,सौ.स्मिता दंडगव्हाळ, सौ योगिता भाबड, सौ पंकजा चांडक, सौ.राजकुमारी गोपलानी, सौ प्रिया पांडे, सौ रुपाली बडजाते, सौ जयश्री डोळे, तजमुल सय्यद, योगिता सोनवणे, शिवसेना महिला विधानसभा संघटक  निलोफर बेग,सौ. सोनिया सोर, सौ जया जगताप आदी महिला कार्यकर्त्या उपस्थित होत्या.