लोकनेते कै.विजयमामा आहेर वि.का.सो.च्या चेयरमनपदी अँड.अनिल आहेर बिनविरोध

नांदगाव-:वार्ताहर

तालुक्यातील न्यायडोंगरी येथील लोकनेते कै. विजयमामा आहेर विविध कार्यकारी सेवा सहकारी संस्थेची पंचवार्षिक निवडणूक बिनविरोध पार पडून संस्थेच्या चेयरमन पदी माजी आमदार अँड.अनिल आहेर यांची तर व्हा.चेयरमनपदी अकलाक शेकलाल मंसुरी यांची निवड करण्यात आली.

     सदर संस्थेची निर्मिती झाल्यापासून निवडणूक झालेली नाही.बिनविरोध निवडीची परंपरा यंदा ही कायम राहिली आहे.

       १३ जागांसाठी झालेल्या या निवडणुकीत फक्त १३ उमेदवारांनी उमेदवारी अर्ज दाखल केले होते.यात माजी आमदार अँड.अनिल आहेर,अकलाक शेकलाल मन्सुरी,डॉ.शरद आहेर ,श्रीरंग कुलकर्णी, डॉ.विष्णु पाटील,रंजन आहेर,गुलाब पवार, दर्शन आहेर,रामसिंग चव्हाण,संजय सरगर,बाबुराव देवरे,सौ.योजना ज्ञानदेव आहेर,सौ.रेखा रामचंद्र आहेर आदींची बिनविरोध निवड करण्यात आली.

     निवडणूक अधिकारी म्हणून विनायक जाधव यांनी काम पाहिले तर त्यांना  सहाय्यक निवडणूक अधिकारी म्हणून विलास चव्हाण यांनी सहकार्य केले.

           या प्रसंगी बाळासाहेब आहेर,शफी शेख, नामदेव हजारे,सुभाष सखाराम आहेर,सुनील पवार,लक्ष्मण पाटील,डॉ.राजेंद्र आहेर,दिलीप जाधव,अशोक तेले,प्रफुल्ल नहार,गणेश ट्रेलर,रामचंद्र आहेर,जगन पाटील,प्रकाश आहेर,रोशन नहार,ज्ञानदेव बारी,मधुकर आहेर आदीसह गावातील अनेक प्रतिष्ठित नागरीक उपस्थित होते.

बिनविरोध निवड घोषीत होताच फटाक्यांची अतिषबाजी व गुलाल उधळून जल्लोष साजरा करण्यात आला.