बंजारा समाज वेशभूषा करत आमदार पत्नीने सर्वांचे लक्ष वेधले.
सा.शनैश्वर टाइम्स वृत्तसेवा
नांदगाव-: वार्ताहर
बंजारा समाजाचे आराध्य दैवत संत श्री.सेवालाल यांची जयंती मोठ्या उत्साहात साजरी करण्यात आली.या धार्मिक कार्यक्रमात आमदार सुहास कांदे यांच्या पत्नी सौ.अंजुम कांदे यांनी बंजारा समाज महिलांचा पारंपरिक वेष परिधान करत सर्वांचे लक्ष वेधलेच पण सर्वांच्या ह्रदयात आपली जागा ही निर्माण केल्याचे दिसून आले.
तालुक्यातील ज्या-ज्या गावांत बंजारा समाजाची वस्ती आहे,त्या त्या गावांत संत श्री.सेवालाल महाराज यांच्या जयंती उत्सवाचे आयोजन करण्यात आले होते.वसंतनगर (जातेगाव),ढेकू तांडा,मुळडोंगरी तांडा आदी ठिकाणी हा उत्सव साजरा करण्यात आला.सौ.कांदे यांचे या ठिकाणी बंजारा समाजातील महिलांनी बंजारा बोलीभाषेत गीत गावून स्वागत केले.तर सौ.कांदे यांनी संत श्री.सेवालाल महाराज यांच्या प्रतिमेस पुष्पहार अर्पण करत दर्शन घेतले.व तदनंतर या महिलांसोबत नृत्य ही केले.
याप्रसंगी सौ अंजुम कांदे यांच्या सोबत उज्वला ताई खाडे व शिवसेना उपजिल्हाप्रमुख संगीता बागुल, भावराव बागुल, अण्णासाहेब मुंडे, एन के राठोड, अमोल नावंदर आणि बंजारा समाजातील बंधू भगिनी मोठ्या संख्येने उपस्थित होते उपस्थित होते.
Comments
Post a Comment