मनमाड चा आदित्य पाटील बनला तालुक्यातील पहिला सीए..!

नांदगाव-: संतोष कांदे

स्मार्ट फोनच्या नादात अभ्यासाकडे दुर्लक्ष करून भावी आयुष्य पणास लावलेल्या आजच्या पिढीसमोर मनमाड शहरातील आदित्य पाटील याने सीए च्या परीक्षेत यश मिळवून आजच्या तरुणाई समोर एक आदर्श उभा केला आहे.

      याबाबत अधिक असे की,शहरातील प्रसिद्ध व्यावसायिक सतीश पाटील यांचा मुलगा आदित्य याने मराठी मुलांसाठी अवघड समजली जाणारी सीए ची परीक्षा पहिल्याच प्रयत्नात पास होऊन इतिहास घडवला आहे.

      आदित्य च्या या यशासाठी मराठा महासंघाच्या पदाधिकाऱ्यांनी त्याच्या घरी जाऊन त्याचा यथोचित गौरव केला.यावेळी मराठा समाजाचे जेष्ठ हेमंत गवळे, अजय निखाडे, भिमराज लोखंडे, सतिश पाटील,भास्कर झाल्टे,वैभव जाधव,सुमित गायकवाड, जितेश ठाकरे, साकेत गवळे आदी मान्यवर उपस्थित होते.