पालकमंत्री ना.भुजबळ यांच्या कट्टर कार्यकर्त्यांचा शिवसेना प्रवेश.!

नांदगाव-: संतोष कांदे

राज्याचे हेवीवेट नेते तथा अन्न नागरी पुरवठा मंत्री,जिल्ह्याचे पालकमंत्री ना.छगन भुजबळ यांचे कट्टर कार्यकर्त्यांनी शिवसेनेत प्रवेश केल्याने भुजबळांच्या कार्यपद्धतीवर प्रश्नचिन्ह उभे राहिले आहे.

     याबाबत अधिक असे की,तालुका शिवसेनेने साकोरा जिल्हा परिषद गटात शिवसेना कार्यकर्ता मेळावा आयोजित केला होता.या मेळाव्यास आमदार सुहास कांदे यांच्यासह शिवसेनेचे पदाधिकारी,शिवसैनिक मोठ्या संख्येने उपस्थित होते.यावेळी बोलताना आमदार कांदे म्हणाले की,माझ्या शरीरात रक्ताचा शेवटचा थेंब असेपर्यंत मी आपले उपकार विसरणार नाही.आणि माझ्या मृत्यू पर्यंत माझ्या डोक्यात आमदार असल्याचा अहंकार निर्माण होणार नाही.याची ग्वाही मी देतो.असे अत्यंत भावनिक प्रतिपादन आमदार कांदे यांनी यावेळी करत उपस्थित शिवसैनिकांच्या थेट ह्रदयाला हात घातला.तसेच पुढे बोलताना आमदार कांदे यांनी जुन्या पंचायत समितीच्या जागेवर छत्रपती शिवाजी महाराज यांचा अश्वारूढ पुतळा व शिवसृष्टी उभारण्याचा संकल्प यापूर्वीच सोडला असून,लवकरच हे काम सुरू होईल,असे सूतोवाच केले.

    याप्रसंगी मंचावर जिल्हा परिषद सदस्य रमेश बोरसे पंचायत समिती सभापती सुभाष कुटे,सदस्य सौ सुमनताई निकम, राजाभाऊ जगताप, विष्णू निकम सर,शिवसेना तालुकाप्रमुख किरण देवरे, गुलाब भाबड, अमोल नावंदर, शहरप्रमुख सुनील जाधव, युवा सेना तालुका प्रमुख सागर हिरे, साकोरा गट प्रतिनिधी सूरज बोरसे,आण्णा पगार, रमेश गो.पगार,आमोदे सरपंच विठ्ठल पगार,भगवान देशमुख, शरद सोनवणे, संतोष भोसले, अरूण भोसले, कैलास गायकवाड, आप्पासाहेब पगार, सर्जेराव भाबड, निळु मामा सानप, भाऊसाहेब खैरनार, बापु जाधव, कळमधरी सरपंच मनोज पगार, दिलीप पगार, प्रशांत पगार, मधु डोंगरे, पोपट सानप, मळगाव सरपंच नितीन आहेर, सुनिल ऊगले, रत्नाकर आहेर, साकोरा जिल्हा परिषद गटातील सर्व ग्रामपंचायत सरपंच, शिवसेनेचे सर्व पदाधिकारी तसेच हजारोंच्या संख्येने शिवसैनिक उपस्थित होते.

    दरम्यान या मेळाव्यात अभूतपूर्व अशी घटना घडली.पालकमंत्री ना.छगन भुजबळ यांचे अत्यंत कट्टर कार्यकर्ते महेंद्र गायकवाड, भावडू गीते, वाल्मीक अहिरे, सुरेश बोरसे, अण्णा सुरसे, राजेंद्र चवर, निलेश सुरसे, एकनाथ मोरे यांनी शिवसेनेत प्रवेश केल्याने तालुक्यात चांगलीच खळबळ उडाली आहे.