साकोरा येथे छत्रपतींचा अश्वारूढ पुतळा उभारणार-: आमदार सुहास कांदे

सा.शनैश्वर टाइम्स वृत्तसेवा

नांदगाव-: संतोष कांदे

तालुक्यातील साकोरा येथे ग्रामपंचायतीने जागा उपलब्ध करून दिल्यास छत्रपती शिवाजी महाराज यांचा अश्वारूढ पुतळा उभारणार असे प्रतिपादन तालुक्याचे आमदार सुहास कांदे यांनी केले.

    येथील मध्यवर्ती शिवजयंती उत्सव समितीच्या वतीने शिवजयंती चे आयोजन केले होते.आणि या शिवजयंती उत्सवाला आमदार सुहास कांदे यांना त्यांच्या पत्नी सौ.अंजुम कांदे यांना आमंत्रित केले होते.यावेळी त्यांच्या हस्ते छत्रपती शिवाजी महाराजांची आरती करण्यात आली.

        याप्रसंगी साकोरा गाव व पंचक्रोशीतील हजारो शिवप्रेमी माता भगिनी बंधू बांधव उपस्थित होते.

 शिवजयंतीच्या आनंदात आमदार सुहास कांदे यांनी सहभागी होत उपस्थित तरुणांसोबत ठेका धरला.

 साकोरा येथील तरुणांनी एक गाव एक जयंती या धरती वर नांदगाव तालुक्यातील सर्वात मोठी शिवजयंती चे आयोजन मध्यवर्ती शिवजयंती उत्सव समिती साकोरा यांनी केले होते.

      याप्रसंगी बोलताना आमदार सुहास कांदे यांनी साकोरा ग्रामपंचायतीने जागा उपलब्ध करून दिल्यास छत्रपती शिवाजी महाराजांचा भव्य दिव्य पुतळा उभारून देण्याचे आश्वासन दिले.व त्यासाठी २५ लाख रुपयांची तरतूद ही करणार असल्याचे यावेळी जाहीर केले.