तालुकाध्यक्षाच्या गावातच राष्ट्रवादीला खिंडार.! तालुका युवक कार्याध्यक्षांनीच बांधले शिवबंधन...

सा.शनैश्वर टाइम्स वृत्तसेवा
नांदगाव-: संतोष कांदे
शहरातील कट्टर समर्थकांनी धनुष्य हाती घेतल्याच्या घटनेला अवघे काही तास उलटताच ; राष्ट्रवादी काँग्रेसच्या तालुका युवक कार्याध्यक्ष भाऊसाहेब सूर्यवंशी यांनी आज शिवसेनेत प्रवेश करून पुन्हा एक धक्का दिला आहे.
         आमदार सुहास कांदे यांनी मतदार संघातील सर्व जिल्हा परिषद गटात आगामी निवडणुकांच्या पार्श्वभूमीवर बैठका सुरू केल्या आहेत.साकोरा येथील बैठकीत समता परिषद तथा पालकमंत्री ना.भुजबळ यांच्या समर्थक कार्यकर्त्यांनी शिवसेनेत प्रवेश करून मोठी खळबळ उडवून दिली होती.
      आज घाटमाथ्यावरील जातेगाव गटात सदर गटप्रमुख,बुथप्रमुख,पदाधिकारी,व शिवसैनिकांची आढावा बैठक आयोजीत करण्यात आली होती.या बैठकीदरम्यान राष्ट्रवादी काँग्रेसचे युवक कार्याध्यक्ष भाऊसाहेब सूर्यवंशी,भाऊलाल राठोड,कारभारी चव्हाण,कारभारी राठोड,एकनाथ चव्हाण,गोपीनाथ चव्हाण,बाळनाथ राठोड,रोहिदास राठोड यांनी सेनेत प्रवेश करून भगवा खांद्यावर घेतला आहे.
          सेनेत प्रवेशकर्त्यांचे स्वागत केल्यानंतर आमदार कांदे मनोगत व्यक्त करताना म्हणाले की,आपल्या जातेगाव गटाचा विकास करण्यासाठी मी कटिबद्ध आहे आपण मला आमदार म्हणून निवडून दिले आहे आपल्या प्रत्येक समस्या सोडवणे हे माझे कर्तव्य आहे आणि ते मी शेवटपर्यंत करत राहणार हे काम करत असताना जर मी कुठे चुकलो तर मला निदर्शनास आणून द्या ती चूक मी पुन्हा करणार नाही अशी ग्वाही याप्रसंगी त्यांनी दिली.मात्र आगामी निवडणुकीत भगवा फडकवल्याशिवाय राहू नका.!

      दरम्यान सदर जातेगाव हे राष्ट्रवादी काँग्रेसचे तालुकाध्यक्ष विजय पाटील यांचे वास्तव्य असलेले गाव आहे,आणि याच गावात राष्ट्रवादी युवक च्या कार्याध्यक्ष यांनी पक्षाला राम-राम केल्याने हा चर्चेचा विषय झाला आहे.

       याप्रसंगी शिवसेनेचे ज्येष्ठ नेते बापूसाहेब कवडे, शिवसेना तालुका प्रमुख किरण देवरे, गुलाब भाबड सभापती तेज दादा कवडे, मधुबाला खिराडकर, भाऊसाहेब हिरे ,अनिल तात्या रिंढे, गुलाब चव्हाण, बंडू पाटील निकम, एकनाथ सदगीर ,भाऊसाहेब सदगीर, दत्तू काळे, श्रावण काळे, नंदू खरात ,मनीषा काटकर, विजय ईप्पर, रफिक भाई पठाण, जितू पाटणी, प्रदीप सूर्यवंशी, संजय बोरसे, अशोक निकम , एन.के.राठोड  काशिनाथ काळे ,कांतीलाल राठोड, प्रकाश चव्हाण, कांतीलाल चव्हाण, संजय राठोड, भोपाल राठोड, काळू राठोड, संदीप पाटील ,चंद्रकांत जाधव, आनंदराव सूर्यवंशी ,आदींसह मोठ्या संख्येने जातेगाव गटातील शिवसेनेचे पदाधिकारी शिवसैनिक आणि नागरिक उपस्थित होते

Comments

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक