घाटमाथ्यावर उपतालुकाप्रमुख पद..... आमदार कांदे यांनी मारले एका दगडात दोन पक्षी....!

नांदगाव-: संतोष कांदे

पैहिलवान चा भेजा गुडघ्यात असतो असे ग्रामीण भागात गंमतीने म्हटले जाते.मात्र ज्यांच्या आयुष्याची सुरुवात पैहिलवान म्हणून झाली,त्या विद्यमान आमदार सुहास कांदे यांनी मात्र बुद्धीचा असा काही वापर केला आहे की,भल्या-भल्यांच्या विकेट उडाल्या आहेत.

      काही महिन्यापूर्वीच राज्याच्या हेवीवेट नेत्याला ही दोन पाऊले मागे यावे लागल्याची घटना अजून ताजी आहे.अगदी काल-परवा आमदार सुहास कांदे यांनी पालकमंत्री ना.भुजबळ यांचे कट्टर समर्थक म्हणून मान्यता पावलेले महेंद्र गायकवाड यांना सेनेत दाखल करून घेतले.आणि यावरच न थांबता घाटमाथ्यावरील मराठा समाजातील उदयोन्मुख नेतृत्व भाऊसाहेब सूर्यवंशी जे सध्या राष्ट्रवादी काँग्रेसचे युवा कार्याध्यक्ष होते,त्यांनाही सन्मानाने शिवसेनेत आणले.आणि यावरच न थांबता ; ज्या राष्ट्रवादी काँग्रेस ने या परिसरात थेट तालुकाध्यक्ष पद बहाल केले आहे,त्या तोडीस तोड म्हणून भाऊसाहेब सूर्यवंशी यांच्याकडे थेट उपतालुकापद देऊन आपल्या राजकीय कुशलतेची चुणूक दाखवली आहे.

       भाऊसाहेब सूर्यवंशी यांना उपतालुकाप्रमुखपद देत असताना या जातेगाव गटातून,गणातून शिवसेनेचे जेष्ठ नेते बापुसाहेब कवडे यांचे चिरंजीव तेज कवडे इच्छुक आहेत.त्यांना विजयाचा मार्ग सुकर व्हावा,यास्तव आमदार कांदे यांनी खेळी खेळल्याचे मानले जात आहे.