नांदगावला पंतप्रधान मोदींचा कॉंग्रेसकडून निषेध.!

नांदगाव-: संतोष कांदे

भारताचे पंतप्रधान नरेंद्र मोदी यांनी लोकसभेमध्ये बोलताना देशात काँग्रेस पक्षाने कोरोना पसरवला,असे विधान केले.त्यावर मोठा गहजब व्यक्त होत आहे.देशात ठिकठिकाणी होणाऱ्या कार्यक्रमात 'नमस्ते ट्रम्प' या कार्यक्रमाच्या माध्यमातून पंतप्रधान मोदी यांनीच कोरोनाचा प्रसार केला.असा स्पष्ट आरोप काँग्रेसकडून होत आहे.

      नांदगाव तालुका काँग्रेस पक्षाने आज नांदगाव तहसील कार्यालयात जाऊन काँग्रेस पक्षाची भूमिका स्पष्ट केली.आणि यावर मत व्यक्त करताना तालुकाध्यक्ष समाधान पाटील म्हणाले की,देशात कोरोनाचा उपद्रव सुरू झाला असताना पंतप्रधान मोदी यांनी नमस्ते ट्रम्प कार्यक्रम घेतला,त्यानंतर हवाई प्रवास थांबवला नाही,पश्चिम बंगाल,आसाम,तामिळनाडू,केरळ,आदी राज्यांच्या निवडणुका ही घेतल्या.आणि असे असताना केवळ उत्तर प्रदेशची निवडणूक डोळ्यासमोर असे घाणेरडे आरोप करत मोदी स्वतःचे पाप झाकण्याचा प्रयत्न करत असल्याचा आरोप या निवेदनात केला आहे.

      या निवेदनावर तालुकाध्यक्ष समाधान पाटील,सरोजताई शर्मा,अयुब शेख,प्रशांत शर्मा,मूनवर सुलताना, चेतन पाटील,विद्या बागुल,अनिल पगारे,मंगल बुरकुले,आदींसह काँग्रेस कार्यकर्ते मोठ्या संख्येने उपस्थित होते.