आमदार सुहास कांदे यांच्या माध्यमातून दिव्यांगांना शिधापत्रिकांचे वितरण.!

नांदगाव-: संतोष कांदे

तालुक्याचे आमदार सुहास कांदे यांनी विकासकामांसह सर्वसामान्य जनतेला आवश्यक असलेल्या छोट्या-छोट्या समस्यांकडे ही जाणीवपूर्वक लक्ष पुरवल्याचे दिसून येत आहे.प्रहार अपंग क्रांती संघटना व आमदार कांदे यांच्या संपर्क कार्यालयाच्या माध्यमातून नांदगाव मतदारसंघातील दिव्यांग नागरिकांना पिवळी शिधापत्रिकाचे आज वाटप करण्यात आले.

      कुटुंबासोबत एकत्र राहणाऱ्या दिव्यांग व्यक्तींना शिधापत्रिकेत नाव आहे,पात्र आहेत मात्र शिधापत्रिकेवर अनुज्ञेय असलेला अन्नधान्याचा लाभ मिळत नसल्याने अन्नधान्यापासून वंचित रहावे लागत होते.त्यामुळे दिव्यांग व्यक्तींना धान्य मिळावे यासाठी दिव्यांगांना स्वतंत्र शिधापत्रिका देण्याचा निर्णय शासनातर्फे घेण्यात आल्याने मतदारसंघातील १२ दिव्यांगांना आज तहसीलदार सिद्धार्थ मोरे, शिवसेना तालुका प्रमुख किरण देवरे, प्रहार अपंग क्रांती संघटनेचे तालुका अध्यक्ष अनिस शेख अब्बास यांच्या हस्ते पिवळी शिधापत्रिकेचे वाटप करण्यात आले.

    आमदार सुहास कांदे यांच्या मार्गदर्शनाखाली मतदार संघात शिवसेना पक्ष पदाधिकारी व शिवसैनिक प्रत्येक गरजवंतास शिधापत्रिका उपलब्ध करून देण्यासाठी सातत्याने प्रयत्न करत आहेत.विविध शासकीय योजनांपासून गरजू व गोर गरीब जनता वंचित राहू नये या उद्देशाने शिवसैनिक काम करत आहेत.

           तालुक्यातून आतापर्यंत २८० दिव्यांगांचे प्रकरण जमा केले असून ५२ लोकांना शिधापत्रिका उपलब्ध करून देण्यात आली आहे.लवकरच उर्वरित शिधापत्रिका टप्प्या टप्प्यात वाटप करण्यात येणार आहेत.

    या प्रसंगी नांदगाव बाजार समितीचे

उपसभापती राजाभाऊ देशमुख, शिवसेना शहर प्रमुख सुनील जाधव, युवासेना तालुका प्रमुख सागर हिरे,अय्याज शेख,आदिंसह शिवसैनिक उपस्थित होते.