कोको-कोला कंपनीने ६० कर्मचाऱ्यांना जाचक अटी घालून दिला डच्चू.! कर्मचारी आंदोलनाच्या पावित्र्यात..

नांदगाव-: संतोष कांदे

वाडा तालुक्यातील (जिल्हा पालघर) कुडूस येथे कार्यरत असलेल्या कोको-कोला या शीतपेय बनवणाऱ्या नामांकित कंपनीने आपल्या ६० कर्मचाऱ्यांना जाचक अटी घालून स्वेच्छानिवृत्ती दिल्याचा आरोप करत कंपनीविरोधात 'भीक मांगो आंदोलन सुरू केले आहे.

     कोको-कोला या कंपनीचा मोठा प्लांट या वाडा तालुक्यात आहे.काही महिन्यांपूर्वी कायम सेवेत असलेल्या काही कर्मचाऱ्यांना बोलावून या कंपनी प्रशासनाने 'कंपनीच्या परराज्यातील दुसऱ्या प्लांट मध्ये तुमची बदली करण्यात आली असून,तुम्हाला तेथे जावे लागेल,आणि जायचे नसेल तर स्वेच्छानिवृत्ती घ्या.! असे बजावले.तेव्हा या कर्मचाऱ्यांनी वृद्ध आई-वडील,मुलांचे शिक्षण,पत्नीची नोकरी,किंवा अन्य महत्वाच्या कारणामुळे तिकडे जाण्यास नकार दिला.म्हणून बळजबरीने कंपनी प्रशासनाने या स्वेच्छानिवृत्ती घेण्यास भाग पाडल्याचा आरोप करत या कर्मचाऱ्यांनी मुख्यमंत्री,कामगार मंत्री,कामगार आयुक्त यांच्याकडे दाद मागत न्याय मिळवून देण्याची मागणी केली आहे.व कंपनी विरोधात गणवेश व ओळखपत्र घालून निषेध आंदोलन सुरू केले आहे.