आमदार कांदे यांच्याकडून ग्रामस्थांना मोफत शिधापत्रिका वितरण.!

नांदगाव-: संतोष कांदे

तालुक्यातील जनतेचा महत्वाचा आणि जिव्हाळ्याचा प्रश्न कुठला असेल.? तर तो शिधापत्रिकांचा....आणि नेमकी हीच बाब हेरून आमदार सुहास कांदे यांनी या छोट्या पण गरिबांसाठी महत्वाच्या असलेल्या या गोष्टीकडे जाणीवपूर्वक लक्ष पुरवल्याचे दिलासादायक चित्र दिसून येत आहे.या निमित्ताने त्यांच्यातील एक प्रगल्भ नेता आपसूकच जनतेच्या मनाचा ठाव घेत असल्याचे दिसून येत आहे.

         आमदार झाल्यानंतरची दोन वर्षे कोरोनाचा सामना करता-करता संपली.आता कुठे वातावरण निवळले आहे.निर्बंध हळू-हळू शिथिल होत आहेत.आणि सर्वसामान्य जनता ही आता आपल्या रोजच्या जीवनात आवश्यक असलेल्या गोष्टी मिळवण्यासाठी धडपड करू लागल्याने साहजिकच लोकप्रतिनिधी म्हणून या लोकांना मदत करणे क्रमप्राप्त असल्याची जाणीव आमदार सुहास कांदे यांना आहे,म्हणूनच त्यांनी शिवसेनेचे पदाधिकारी,शिवसैनिक यांना युद्धपातळीवर शिधापत्रिकांचा प्रश्न सोडवण्याचे आदेश दिलेत.

      हे पदाधिकारी लोकांना कार्यालयात न बोलवता तेच गावोगावी जाऊन गरजवंत लाभार्थ्याचा शोध घेत आहेत,व त्यांना मोफत शिधापत्रिका उपलब्ध करून देत आहेत.आज भालूर,वंजारवाडी, व सटाणे गावातील जवळपास १०० पेक्षा अधिक ग्रामस्थांना थेट त्यांच्या घरी जाऊन मोफत शिधापत्रिका देण्यात आल्यात.

          यावेळी नांदगाव कृषी उत्पन्न बाजार समितीचे उपसभापती राजाभाऊ देशमुख, भाऊराव  बागुल, गटप्रमुख संजय जाधव, भालूर येथे संजय पवार,राजाभाऊ शिंदे अशोक निकम , संतोष लहिरे , नवनाथ पवार ,महादेव मोरे तसेच वंजारवाडी व सटाणा येथील नाना पवार, पिंटू भाउ, सुभाष भाउ,विजू भाउ उपस्थित होते.